News

लुधियाना येथील एका साई भक्ताने ३१५ ग्राम वजनाचा ८५९२३०/- रुपय किमतीचा सोन्याचा हार श्री साईबाबाचंयcharani आप्रण केलं

श्री साईबाबा संस्थानला महिंद्रा व महिंद्रा कंपनीच्या वतीने श्री.हेमंत सिक्का (सीईओ) व श्री.निखील माडगावकर (ईव्हीपी-सीएफओ) यांनी दिलेल्या सुमारे ८ लाख रुपये किमतीची टीयुव्ही ३०० या वाहानाची चावी स्वीकारताना संस्थानचे कार्यकारी अधिकारी बाजीराव शिंदे. यावेळी सर्व प्रशासकीय अधिकारी व वाहन विभाग प्रमुख आदी उपस्थित होते. 

 

रुसू नका भावी पिढी बनवण्याचा वसा टाकू नका -चंद्रशेखर कदम  

संस्थानच्या शिक्षकांचा गौरव समारंभ  

शिर्डी:-

श्री साईबाबा कनिष्ठ महाविद्यालयात आयोजित शिक्षक दिन कार्यक्रमात श्री साईबाबा संस्थानचे उपाध्यक्ष चंद्रशेखर कदम  बोलत होते.यावेळी संस्थानच्या आयटीआय,कन्या विद्या मंदिर,इंग्लिश मिडीयम स्कूल  आणि  कनिष्ठ महाविद्यालयाच्या सर्व शिक्षकांचा  गौरव करण्यात आला. व्यासपीठावर संस्थानचे  विश्वस्त भाऊसाहेब वाकचौरे,सचिन तांबे,नगराध्यक्षा अनिता जगताप,कार्यकारी अधिकारी बाजीराव शिंदे, उपकार्यकारी अधिकारी डॉ.संदीप आहेर, प्रशासकीय अधिकारी सूर्यभान गमे, प्राचार्य शिवलिंग पटणे, विकास शिवगजे,असिफ तांबोळी,जहाआरा मिरजकर, शिल्पा वैद्य,मच्छिन्द्र कदम उपस्थित होते.

            यावेळी बोलतांना  कदम पुढे म्हणाले, मी भारत देशाला आई समान मानतो. सुसंस्कृत पिढी घडविण्याचे काम शिक्षकच करीत असतो,म्हणून शिक्षकांप्रती मला आदर आहे. मला याठिकाणी कोणीही बोलाविले नाही. मी स्वतःहून कौतुकाची थाप व प्रेमाचा हात तुमच्या पाठीवरून फिरविण्यासाठी आलो आहे. मी संस्थानचा उपाध्यक्ष झालो, कितीही उंचीवर जावून पोहोचलो तरी आजही गुरुजींसमोर माझी मान आदराने खाली जाते. ज्ञान इतरांना दिले तर ते कमी होत नसते हे शिक्षकांना चांगले माहीत आहे. दादोजी कोंडदेव, रामकृष्ण परमहंस, शिवाजी राजे यांसारखे थोर महापुरुष निर्माण होतील यादृष्टीने शिक्षकांनी प्रयत्न करावेत.विश्वस्त भाऊसाहेब वाकचौरे म्हणाले, शिक्षकांची भूमिका लाख मोलाची असते. चालणं, बोलणं, वागणं, राहणं याकडे समाजाचे बारीक लक्ष असते. शिक्षकाच्या सांगण्यातून जगाची तोंड ओळख होते. त्यासाठी अवांतर ज्ञान शिक्षकाला असणे आवश्यक आहे. सात्विक आनंद माणसाला कृतज्ञ करीत असतो. सकारात्मक विश्वस्त मंडळ आल्यामुळे शिक्षकांना व इतर कर्मचाऱ्यांना सकारात्मक उर्जा मिळेल असेही त्यांनी आवर्जून सांगितले.

            तत्पूर्वी शिक्षक दिनाचे औचित्य साधून श्री कदम यांनी शैक्षणिक संस्थांच्या सर्व प्रमुखांना व त्यांचेमार्फत सर्व शिक्षकांना दूरध्वनीवर शुभेच्छा दिल्या.या वेळी विश्वस्त सचिन तांबे,नगराध्यक्षा अनिता जगताप यांनी मनोगत व्यक्त करून शिक्षक दिनानिमित्त शिक्षकांना शुभेच्छा दिल्या.विश्वस्त बिपीनदादा कोल्हे व प्रतापराव भोसले यांनी फोन करून शुभेच्छा दिल्या. शिक्षक प्रतिनिधी म्हणून प्रा.सिमा सोनवणे यांनी विचार व्यक्त केले.श्री कदम यांच्या संवादाने शिक्षक भारावून गेले.पुढील वेळी आणखी बोलू असे सांगून समारोप केला. प्राचार्य विकास शिवगजे यांनी प्रास्ताविक केले.प्राचार्य शिवलिंग पटणे यांनी आभार मानले आणि  प्रा. वंदना देशमुख यांनी कार्यक्रमाचे सूत्रसंचालन केले.         

 

संस्थानच्या अध्यक्षांचा विद्यार्थांशी संवाद

शिर्डी:-

श्री साईबाबा संस्थानचे अध्यक्ष सुरेश हावरे यांनी श्री साईबाबा कनिष्ठ महाविद्यालयातील इयत्ता १२ वी च्या विद्यार्थ्यांशी संवाद साधतांना ते बोलत होते.या वेळी व्यासपीठावर विश्वस्त सचिन तांबे,कार्यकारी अधिकारी बाजीराव शिंदे,उपकार्यकारी अधिकारी डॉ.संदीप आहेर,प्रशासकीय अधिकारी दिलीप उगले, प्राचार्य विकास शिवगजे,संरक्षण अधिकारी गंगावणे,विजय पट्टीवार,सुनिल तांबे उपस्थित होते.

          यावेळी बोलतांना स्वत: अणुशास्त्रज्ञ असलेले श्री हावरे म्हणाले की,प्रत्येकाची कोणतेही कार्य करण्याची क्षमता अमर्यादित असते,परंतु त्याचा योग्य वापर होत नाही.तुम्ही ठवले तर तुम्ही निश्चितच मोठे होणार,यात तिळमात्र शंका नाही.आपण छोटे राहिलो तर दुस-यांना दोष देऊ नका.मनातून भिती काढून टाका.यश तुमचेच आहे.यावेळी श्री हावरे यांनी चंद्रावर पहिले पाऊल टाकणारा नील आर्मस्ट्रॉग व त्याचा वरिष्ठ पायलट बझ आल्ड्रिन यांची गोष्ट सांगितली.चंद्रावर यान उतरूनही या चांद्रयानाचा प्रमुख पायलट बझ आल्ड्रिन भीतीमुळे चंद्रावर उतरला नाही.त्यामुळे त्याची ही संधी नील  आर्मस्ट्रॉग याला मिळाली आणि तो चंद्रावर पहिले पाऊल ठेवणारा पहिला मानव ठरला.त्याने इतिहास घडवला.अशी संधी वाया घालवू नका.जग यशस्वी माणसालाच ओळख देते.शिकण्याच्या या वयात भरपूर अभ्यास करा आणि चांगले यश मिळवा.

          या वेळी विद्यार्थ्यांनी विचारलेल्या शंकांचे निरसन श्री हावरे यांनी केले.श्री हावरे यांच्या संवादाने विद्यार्थी भारावून गेले.पुढील वेळी आणखी बोलू असे सांगून समारोप केला.

   प्राचार्य विकास शिवगजे यांनी आभार मानले आणि  प्रा. वंदना देशमुख यांनी कार्यक्रमाचे सूत्रसंचालन केले.          

 

 

BACK