01.श्री.चंद्रशेखर बावनकुळे, मंत्री, ऊर्जा, नवीन व नवीकरणीय ऊर्जा, राज्य उत्पादन शुल्क, महाराष्‍ट्र राज्‍य, यांनी सहपरिवार श्री साईबाबांच्या समाधीचे दर्शन घेतले. यावेळी संस्थानचे विश्वस्त सर्वश्री बिपिनदादा कोल्हे, सचिन तांबे व विश्वस्त तथा नगराध्यक्षा सौ.योगिताताई शेळके आदी उपस्थित होते.

02.श्री.चंद्रशेखर बावनकुळे, मंत्री, ऊर्जा, नवीन व नवीकरणीय ऊर्जा, राज्य उत्पादन शुल्क, महाराष्‍ट्र राज्‍य, यांनी सहपरिवार श्री साईबाबांच्या समाधीचे दर्शन घेतल्यानंतर त्यांचा सत्कार करताना संस्थानचे विश्वस्त बिपिनदादा कोल्हे. यावेळी संस्थानचे विश्वस्त सचिन तांबे व विश्वस्त तथा नगराध्यक्षा सौ.योगिताताई शेळके आदी उपस्थित होते.

शिरडी –

          श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या कार्यकारी अधिकारी श्रीमती. रुबल अग्रवाल यांना जळगांव जिल्हाधिकारी म्हणून कार्यरत असतांना सन 2016-17 या वर्षात केलेल्या कामगिरी बद्दल उद्या मुख्यमंत्री देवेंद्र फडणवीस यांचे हस्ते उत्कृष्ट जिल्हाधिकारी म्हणून त्यांचा सत्कार करण्यात येणार आहे. 

          राज्य शासनाच्या सामान्य प्रशासन विभागातर्फे नागरी सेवा दिन व राजीव गांधी प्रशासकीय गतीमानता अभियान व स्पर्धेअंतर्गत उत्कृष्ट कार्य करणा-या अधिकारी व  कर्मचा-यांचा सत्कार व पारितोषीक वितरण समारंभ उद्या शुक्रवार दिनांक 21 एप्रिल 2017 रोजी सायंकाळी 4.00 वा. मुख्यमंत्री देवेंद्र फडणवीस यांच्या हस्ते सह्याद्री अतिथीगृह, मलबार हिल, मुंबई येथे होणार आहे. श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या कार्यकारी अधिकारी श्रीमती. रुबल अग्रवाल यांना जळगांव येथे जिल्हाधिकारी म्हणून कार्यरत असतांना सन 2016-17 या वर्षात केलेल्या जलसंधारण, जलयुक्त शिवार, बेटी बचाव बेटी पढाव, शासकीय वसुली, दुष्काळ निवारण आदि शासकीय कार्यक्रमात वर्षभर केलेल्या कामगीरी बद्दल उत्कृष्ट जिल्हाधिकारी म्हणून त्यांचा सत्कार करण्यात येणार आहे. हा पुरस्कार मिळाल्याबद्दल श्री साईबाबा संस्थानचे अध्यक्ष डॉ.सुरेश हावरे, उपाध्यक्ष चंद्रशेखर कदम व विश्वस्त मंडळाने त्यांचे अभिनंदन केले आहे.

 

शिरडी –

            श्री साईबाबांच्या दर्शनासाठी आलेल्या गाझियाबाद येथील श्रीमती निहारीका तवर यांच्या हरवलेल्या पर्समधील सोन्याच्या रिंगा, पॅन कार्ड, बँकेचे डेबिट व क्रेडीट कार्ड, प्रवासाची रेल्वे टिकीटे, रोख रक्कम व ओळखपत्र आदि वस्तू प्रामाणिकपणे परत केल्याबद्दल संस्थानचे कंत्राटी सुरक्षा रक्षक गणेश धरम यांचा संस्थानचे विश्वस्त सचिन तांबे यांच्या हस्ते सत्कार करण्यात आला.

            श्री साईबाबांच्या दर्शनासाठी आलेल्या गाझियाबाद येथील श्रीमती निहारीका तवर यांची पर्स दिनांक 15 एप्रिल रोजी रात्रीच्या वेळी हनुमान मंदिराबाहेर विसरली गेली. श्रीमती तवर ह्या शिर्डीला आल्यावर रात्रभर व्दारकामाईत ध्यानास बसतात. त्यांना पर्स हरवल्याचे लक्षात आल्यावर त्या विचलित झाल्या व त्यांनी पर्सची शोधा-शोध सुरु केली. रात्रीच्या वेळी कर्तव्यावर असणारे कंत्राटी कर्मचारी गणेश धरम यांना ही पर्स सापडताच त्यांनी ओळखपत्राच्या आधारे फेसबुकचा वापर करुन, आपले सामान सुरक्षित असून आपण माझ्या मोबाईल नंबरवर संपर्क करवा असा संदेश श्रीमती तवर यांना पाठविला. पहाटे मोबाईल मधील संदेश पाहिल्यानंतर श्रीमती तवर यांनी श्री धरम यांच्याशी संपर्क साधला. श्री धरम व श्री विलास बावके यांनी सत्यता पडताळुन त्यांची पर्स सर्व साहित्यासह त्यांना परत केली. सुरक्षा रक्षकाच्या या कर्तव्य दक्षतेबद्दल श्रीमती तवर यांनी संस्थानचे विश्वस्त श्री सचिन तांबे यांच्याशी संपर्क साधून त्यांना धन्यवाद दिले.

            सुरक्षा रक्षकाच्या या प्रामाणिकपणाबद्दल संस्थान विश्वस्त श्री तांबे यांच्या हस्ते श्री धरम यांचा सत्कार करण्यात आला. याप्रसंगी सुरक्षा अधिकारी मधुकर गंगावणे, सुरक्षा पर्यवेक्षक रमेश भालेराव, भाऊसाहेब सदाफळ, जनार्दन आसणे आदि उपस्थित होते.  

 

 

 सोशल मिडीयाचा वापर करुन संस्थानचे कर्मचारी श्री गणेश धरम यांनी तातडीने संपर्क करुन भाविकास हरवलेली वस्तु प्रामाणिकपणे परत केल्याबद्दल विश्वस्त श्री तांबे यांनी सुरक्षा विभागाचे कौतुक केले आहे.

 

शिरडी –

            श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या खरेदी समितीची सभा दिनांक 11 एप्रिल 2017 रोजी संस्‍थानच्‍या कार्यकारी अधिकारी श्रीमती रुबल अग्रवाल यांच्‍या अध्‍यक्षतेखाली पार पडली.

            श्रीमती.अग्रवाल यांच्‍या अध्‍यक्षतेखाली पार पडलेल्‍या खरेदी समितीच्‍या सभेस निमंत्रीत विश्‍वस्‍त श्री.सचिन तांबे, संस्‍थानचे उपकार्यकारी अधिकारी डॉ.संदिप आहेर, प्रशासकीय अधिकारी सर्वश्री सुर्यभान गमे, दिलीप उगले, उत्‍तम गोंदकर, अशोक औटी, वैद्यकीय संचालक डॉ.विजय नरोडे आदि उपस्थित होते.

            यावेळी श्रीमती.अग्रवाल म्‍हणाल्‍या, दिनांक 11 एप्रिल 2017 रोजी पार पडलेल्‍या खरेदी समितीच्‍या सभेत एकुण 24 विषयांचा समावेश होता. यामध्‍ये सन 2017-2018 करीता लाडू निर्मिती, प्रसादालय व मंदिर विभागासाठी गाईचे शुध्द तूप खरेदी करणेकामी सुमारे 50 कोटी 57 लाख 36 हजार रुपये खर्चाच्या, सन 2017-18 करीता प्रसादालय विभागासाठी आवश्यक भाजीपाल खरेदी करणेकामी सुमारे 4 कोटी रुपये खर्चाच्या, सन 2017-18 करीता मोतीचुर लाडू, सुट्टी बुंदी व बर्फी प्रसाद बनवुन पॅकींग करणेकरीता ठेकेदाराची नेमणूक करणेकामी सुमारे 2 कोटी 50 लाख रुपये खर्चाच्या, पाणी पुरवठा विभागाकरीता प्लंबींग साहित्य खरेदी करणेकामी सुमारे 7 लाख 37 हजार रुपये खर्चाच्या, मंदिर व मंदिर परिसर, व्दारावती व साईबाबा भक्तनिवास येथील ए.सी. यंत्रणेचे एक वर्षाचे कालावधीकरीता वार्षिक कॉम्प्रेसिव्ह सर्व्हीस कॉन्ट्रक्ट देणेकामी सुमारे 5 लाख 96 हजार रुपये खर्चाच्या, श्री साईप्रसादालयातील वायुवीजन यंत्रणेचे एक वर्षाचे कालावधीकरीता वार्षिक कॉम्प्रेसिव्ह सर्व्हीस कॉन्ट्रक्ट देणेकामी सुमारे 5 लाख 32 हजार रुपये खर्चाच्या, श्री साईबाबा हॉस्पिटल व श्री साईनाथ हॉस्पिटल येथील ए.सी. यंत्रणेचे एक वर्षाचे कालावधीकरीता वार्षिक कॉम्प्रेसिव्ह सर्व्हीस कॉन्ट्रक्ट देणेकामी सुमारे 11 लाख 8 हजार रुपये खर्चाच्या, श्री साईप्रसादालयातील सोलर स्टीम कुकींग प्रकल्पाचे मिरर (आरशे) बदलविणेकामी सुमारे 21 लाख 20 हजार रुपये खर्चाच्या, श्री साईबाबा व श्री साईनाथ रुग्णालयामध्ये औषध दुकान भाडे तत्वावर चालविणेस देणे, श्री साईबाबा समाधी मंदिर, व्दारकामाई, चावडी, दिक्षितवाडा या पुरातन वास्तुंचे स्ट्रक्चरल ऑडीट करणे, श्री साईनाथ रुग्णालयाचे पश्चिमेकडील सर्व्हे नं.148 मधील जागेत नवीन इमारतीचे बांधकामासाठी आर्किटेक्ट नेमणूक करणे, श्री साईबाबा समाधी मंदिर परिसरातील फ्लोरींगचे नुतनीकरण करणेकामी सुमारे 1 कोटी 9 लाख रुपये खर्च असलेल्या 12 तांत्रिक निविदा उघडण्‍यात आल्‍या तर फायर विभागाकरीता फायर सल्लागाराची नेमणूक करणे, श्री साईबाबा मंदिर परिसराच्या पुर्वेकडील जागेत गेट नं.1 जवळ व लाडू काऊंटर येथे पी.व्ही.सी.कोटेड टेनसाईल फॅब्रीकचे छत असलेले शेड उभारणेकामी सुमारे 1 कोटी 47 लाख रुपये खर्चाच्या, शिर्डी बसस्थानक इमारतीत संस्थानचे वापराकरीता असलेल्या भक्तनिवासमध्ये ठेवणेसाठी एम.एस.फ्रेम कॉट खरेदी करणेकामी 12 लाख 87 हजार रुपये खर्चाच्या, मौजे निमगांव-कोऱ्हाळे गट नं.87,88 मधील जागेत प्रसाद लाडू निर्मितीसाठी स्वतंत्र फुड प्रोसिंग युनिट उभारणे, शांतिनिवास व भक्तनिवास इमारतीमध्ये दर्शन रांग व हॉलचे खिडक्या दरवाजे व पार्टीशनचे काम ॲल्युमिनियम सेक्शनमध्ये करणे, संस्थान परिसरात साईभक्तांचे मार्गदर्शनासाठी ए.सी.पी.शिटवर रेडीयम लेटरींगमध्ये बोर्ड तयार करणेकामी सुमारे 18 लाख 91 हजार रुपये खर्चाच्या, श्रींचे समाधी मंदिरास बुटीवाडा या नावाचा पितळी अक्षराचा नामफलक लावणेकामी सुमारे 18 लाख 91 हजार रुपये खर्चाच्या, कनकुरी येथील नवीन साठवण तलावाच्या भराव्यावरील झाडांना पाणी देणेकामी नवीन पाईपलाईन टाकणेकामी सुमारे 1 लाख 30 हजार रुपये खर्चाच्या, इंग्लिश मिडीयम स्कुल करीता गोदरेज टेबल खरेदी करणेकामी सुमारे 1 लाख 16 हजार रुपये खर्चाच्या व श्री साईनाथ रुग्णालयाकरीता पोर्टेबल एलईडी डोम खरेदी करणेकामी सुमारे 1 लाख रुपये खर्च असलेल्या 12 वाणिज्‍यीक निविदा उघडण्‍यात आल्‍या. या उघडण्‍यात आलेल्‍या निविदा पुढील कार्यवाहीसाठी उपसमितीचे सभेपुढे सादर करण्‍यात येणार असल्‍याचेही श्रीमती.अग्रवाल यांनी सांगितले. 

 

 

शिर्डी –

    श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने आयोजित केलेल्‍या श्रीरामनवमी उत्‍सवाच्‍या मुख्‍य दिवशी रात्रभर मंदिर दर्शनाकरीता खुले असल्‍यामुळे लाखो भाविकांनी श्रींच्‍या समाधीचे दर्शन घेतले.

    आज उत्‍सवाच्‍या मुख्‍य दिवशी पहाटे काकड आरतीनंतर अखंड पारायणाची समाप्‍ती झाली. श्री साईसच्‍चरित या पवित्र ग्रंथाची व्‍दारकामाईतून गुरुस्‍थानमार्गे सवाद्य मिरवणूक काढण्‍यात आली. संस्‍थानचे विश्‍वस्‍त भाऊसाहेब वाकचौरे यांनी विणा विश्‍वस्‍त डॉ.प्रताप भोसले व अॅड.मोहन जयकर यांनी श्रींची प्रतिमा व विश्‍वस्‍त बिपीन कोल्‍हे यांनी पोथी घेवून मिरवणूकीत सहभाग घेतला. यावेळी संस्‍थानचे अध्‍यक्ष डॉ.सुरेश हावरे, विश्‍वस्‍त सचिन तांबे, विश्‍वस्‍त तथा नगराध्‍यक्षा सौ.योगिताताई शेळके, कार्यकारी अधिकारी श्रीमती.रुबल अग्रवाल, उपकार्यकारी अधिकारी डॉ.संदिप आहेर ग्रामस्‍थ व साईभक्‍त मोठ्या संख्‍येने उपस्थित होते. संस्‍थानचे अध्‍यक्ष डॉ.सुरेश हावरे व त्‍यांची सुविद्य पत्‍नी सौ.नलिनी हावरे यांच्‍या हस्‍ते समाधी मंदिरात श्रींची पाद्यपुजा कावडीचे पूजन व व्‍दारकामाई मंदिरातील गव्‍हाच्‍या पोत्‍याची पुजा करण्‍यात आली. आज उत्‍सवाचा मुख्‍य दिवशी रात्रभर मंदिर दर्शनाकरीता खुले असल्‍यामुळे लाखो भाविकांनी श्रींच्‍या समाधीच्‍या दर्शनाचा लाभ घेतला.

    आज सकाळी १०.०० वाजता ह.भ.प.विक्रम नांदेडकर यांचे श्रीरामजन्‍मावर कीर्तन झाले. माध्‍यान्‍ह आरतीपुर्वी रासने कुटुंबीय व देशपांडे (निमोणकर) कुटुंबीय यांच्‍या वतीने नवीन निशाणांची वि‍धीवत पूजा करुन दुपारी ४.०० वाजता मिरवणूक काढण्‍यात आली. सायं. ५.०० वाजता श्रींच्‍या रथाची शिर्डी गावातून मिरवणूक काढण्‍यात आली. यामध्‍ये साईभक्‍त मोठ्या संख्‍येने सहभागी झाले. रात्रौ ७.३० ते १०.३० यावेळेत साई स्‍वर नृत्‍योत्‍सव हा विजय साखरकर मुंबई यांचा कार्यक्रम साईनगर मैदानावरील स्‍टेजवर संपन्‍न झाला. तसेच श्रीरामनवमीचे औचित्‍य साधून आग्रा येथील दानशूर साईभक्‍त श्री.अजय गुप्‍ता व सौ.संध्‍या गुप्‍ता यांनी व्‍दारकामाई मंदिरातील फोटोकरीता सुमारे ३५ लाख रुपये किंमतचे ६७ किलो चांदीचे व १४२ किलो वजन लाकुड वापरलेली मखर विश्‍वस्‍त सचिन तांबे यांच्‍या उपस्थितीत संस्‍थानला देणगी स्‍वरुपात दिली. तर मुंबई येथील एका दानशूर साईभक्‍तांने १५ किलो वजनाच्‍या दोन दक्षिणा पेट्या संस्‍थानला देणगी दिल्‍या असून त्‍यांची विधीवत पूजा समाधी मंदिरात संस्‍थानचे अध्‍यक्ष डॉ.सुरेश हावरे व त्‍यांची सुविद्य पत्‍नी सौ.नलिनी हावरे यांच्‍या हस्‍ते करण्‍यात आली. इंदौर येथील दानशूर साईभक्‍त अरुण डागरीया यांच्‍या देणगीतून समाधी मंदिर व परिसरात करण्‍यात आलेल्‍या फुलांच्‍या आकर्षक सजावटीने साईभक्‍तांचे लक्ष वेधून घेतले तर मुंबई येथील व्‍दारकामाई मंडळाने उभारलेले श्री हनुमानाचा श्रीराम-सिता भक्‍ती देखावा असलेले महाव्‍दार आणि मंदिर व परिसरात केलेली विद्युत रोषणाई उत्‍सावाचे मुख्‍य आकर्षण ठरले. तसेच श्रीरामनवमी उत्‍सवानिमित्‍त गुजरात मधील भरूच येथील संत श्री साईराम गुरुजी यांनी भरूच ते शिर्डी हे ५६० कि.मी. अंतर उलट पाऊली चालत येवून श्री साईबाबांच्या समाधीचे दर्शन घेतले.

    उद्या उत्‍सवाच्‍या सांगता दिवशी पहाटे ५.०५ वा. श्रींचे मंगलस्‍नान व दर्शन, सकाळी ६.३० वा. गुरुस्‍थान मंदिरामध्‍ये रुद्राभिषेक करण्‍यात येणार असून सकाळी १०.३० वा. ह.भ.प.विक्रम नांदेडकर यांचे काल्‍याचे कीर्तन होवून दहीहंडी कार्यक्रम होणार आहे. दुपारी १२.१० वा. माध्‍यान्‍ह आरती व तीर्थप्रसाद, सायं.६.३० वा. धुपारती होवून रात्रौ १०.३० वा. शेजारती होईल.

 

 

   

शिर्डी –

     श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने आयोजित केलेल्‍या श्रीरामनवमी उत्‍सवास आज मंगलमय वातावरणात सुरुवात झाली असून श्री साईबाबांच्‍या समाधीच्‍या दर्शनासाठी राज्‍यातून पालख्‍यां सोबत आलेल्‍या पदयात्री साईभक्‍तांच्‍या श्रीसाईनामाच्‍या गजराने अवघी शिर्डी दुमदुमुन गेली.

     आज उत्‍सवाच्‍या प्रथम दिवशी पहाटे काकड आरतीनंतर साईबाबांच्‍या फोटोची व श्री साईसच्‍चरित या पवित्र ग्रंथाची मिरवणूक व्‍दारकामाई पर्यंत काढण्‍यात आली. संस्‍थानचे उपाध्‍यक्ष चंद्रशेखर कदम यांनी विणा, विश्‍वस्‍त भाऊसाहेब वाकचौरे व सचिन तांबे यांनी श्रींची प्रतिमा व विश्‍वस्‍त तथा नगराध्‍यक्षा सौ.योगिताताई शेळके यांनी पोथी घेवून मिरवणूकीत सहभाग घेतला. यावेळी विश्‍वस्‍त अॅड.मोहन जयकर, कार्यकारी अधिकारी श्रीमती.रुबल अग्रवाल, उपकार्यकारी अधिकारी डॉ.संदिप आहेर ग्रामस्‍थ व साईभक्‍त मोठ्या संख्‍येने उपस्थित होते. मिरवणूक व्‍दारकामाईत गेल्‍यानंतर श्री साईसच्‍चरित या पवित्र ग्रंथाच्‍या अखंड पारायणाचा शुभारंभ झाला. यामध्‍ये उपाध्‍यक्ष चंद्रशेखर कदम यांनी पहिला व सौ.रुपाली तांबे यांनी दुस-या अध्‍यायाचे वाचन केले. सकाळी ६.१५ वाजता कार्यकारी अधिकारी श्रीमती.रुबल अग्रवाल यांनी सहपरिवार श्रींची विधीवत पाद्यपूजा केली. दुपारी ४.०० वा. समाधी मंदिराशेजारील स्‍टेजवर ह.भ.प.श्री.विक्रम नांदेडकर यांचे कीर्तन झाले. रात्रौ. ९.१५ वाजता श्रींची गावातून पालखी मिरवणूक काढण्‍यात आली. मंदिर परिसरात व्‍दारकामाई मंडळ मुंबई यांनी तयार केलेला श्री हनुमानचा श्रीराम-सिता भक्‍तीचा देखावा व विद्युत रोषणाई पाहण्‍यासाठी भक्‍तांनी गर्दी केली होती.

     आज उत्‍सवाचा प्रथम दिवस असल्‍याने व्‍दारकामाई मंदिर पारायणासाठी रात्रभर उघडे ठेवण्‍यात आले. संस्‍थान प्रशासनाने संभाव्‍य गर्दीचे नियोजन केलेले असल्‍यामुळे सर्व साईभक्‍तांना सुखकर व सुलभतेने बाबांच्‍या दर्शनाचा लाभ मिळाला. उन्‍हाची तीव्रता लक्षात घेवून संस्‍थान प्रशासनाने दर्शन रांगेसह ठिकठिकाणी पिण्‍याच्‍या पाण्‍याची व्‍यवस्‍था ठेवली. श्रीरामनवमी उत्‍सवाच्‍या मुहुर्तावर विजया बॅंकेने ७ लाख ५० हजार रुपये किंमतीचे मल्‍टी करन्‍सी डेक्‍सटॉप बॅंकनोट काऊंटर/सॉर्टर मशिन संस्‍थानला देणगी स्‍वरुपात दिले. सदर मशिन विजया बॅंकेचे मॅ‍नेजिंग डायरेक्‍टर किशोर कुमार सानसी यांनी संस्‍थानचे विश्‍वस्‍त सचिन तांबे यांच्‍याकडे सुपुर्त केले. यावेळी संस्‍थानचे मुख्‍यलेखाधिकारी बाबासाहेब घोरपडे व विजया बॅंकेचे रिजनल मॅनेजर विनायक भिस्‍सीकर आदी उपस्थित होते.

     उद्या उत्‍सवाच्‍या मुख्‍य दिवशी पहाटे ४.३० वा. श्रींची काकड आरती, पहाटे ५.०० वा. अखंड परायणाची समाप्‍ती होवून श्रींच्‍या फोटो व पोथीची मिरवणूक होईल. पहाटे ५.२० वा. कावडींची मिरवणूक व श्रींचे मंगलस्‍नान होईल. सकाळी १० ते १२ यावेळेत समाधी मंदिराशेजारील स्‍टेजवर श्रीरामजन्‍म किर्तन कार्यक्रम, दुपारी १२.३० वा. माध्‍यान्‍ह आरती होणार आहे. दुपारी ४.०० वा. निशाणांची मिरवणूक तर सायं.५.०० वा. श्रींच्‍या रथाची गावातून मिरवणूक होणार आहे. मिरवणूक परत आल्‍यानंतर सायं.६.३० वा. धुपारती होईल. रात्रौ ७.३० ते १०.३० यावेळेत साई स्‍वर नृत्‍योत्‍सव हा विजय साखरकर मुंबई यांचा कार्यक्रम साईनगर मैदानावरील स्‍टेजवर होणार आहे. रात्रौ १०.०० ते पहाटे ५.०० वाजेपर्यंत श्रींचे समोर इच्‍छुक कलाकारांचा हजेरी कार्यक्रम होईल. तसेच उद्या उत्‍सवाचा मुख्‍य दिवस असल्‍याने समाधी मंदिर दर्शनासाठी रात्रभर उघडे राहील.

 

शिर्डी-

          श्री साईबाबा संस्‍थान विश्‍वस्‍तव्‍यवस्‍थेच्‍या वतीने साजरा करण्‍यात येणा-या श्री रामनवमी उत्‍सवामध्‍ये साईभक्‍तांची होणारी गर्दी लक्षात घेता रथ, पालखी व कावडी मिरवणूकीचे वेळी सुरक्षारक्षकांनी सुरक्षतेला प्राधान्‍य देवून साईभक्‍तांना सुलभ दर्शन देण्‍याची व्‍यवस्‍था करावी असे आवाहन संस्‍थानचे विश्‍वस्‍त सचिन तांबे यांनी केले.

          श्री साईबाबा संस्‍थानच्‍या सभागृहात सुरक्षा पर्यवेक्षकांच्‍या आयोजित सभेत श्री.तांबे बोलत होते, यावेळी शिर्डी पोलिस स्‍टेशनचे पोलिस निरीक्षक प्रताप इंगळे, संस्‍थानचे प्रशासकीय अधिकारी सर्वश्री सुर्यभान गमे, उत्‍तम गोंदकर, दिलीप उगले, संस्‍थानच्‍या सुरक्षा विभागाचे प्रमुख मधुकर गंगावणे, सुरक्षा पर्यवेक्षक व सुरक्षारक्षक उपस्थित होते.

यावेळी बोलतांना श्री.तांबे म्‍हणाले, श्री रामनवमी उत्‍सवामध्‍ये निघणा-या पालखीच्‍या मिरवणूकीचेवेळी साईभक्‍तांना पालखीचे सुलभ दर्शन होण्‍यासाठी सुरक्षारक्षकांनी सतर्क रहाणे आवश्‍यक आहे. पालखीच्‍या वेळी साईभक्‍तांना धक्‍काबुक्‍की अथवा लोटालाटी होणार नाही याची दक्षता घेवून नियोजन करावे. तसेच पालखी व रथाच्‍या मिरवणुकीचे दर्शनासाठी साईभक्‍तांची होणारी गर्दी लक्षात घेवून सुरक्षारक्षकांनी गैरहजर राहू नये. रथाच्‍या मिरवणूकेचे वेळी साईभक्‍तांना रथाचे दर्शन करुन द्यावे रथ परत आणण्‍यासाठी घाई करु नये. सुरक्षारक्षकांच्‍या मदतीने स्‍थानिक पाकीटमारीचा बिमोड करण्‍यात आला आहे. मात्र गर्दीच्‍या कालावधीत बाहेरुन येणा-या पाकीटमारांच्‍या टोळयांवर तसेच अनोळखी व्‍यक्‍तींवर पालखी व रथ मिरवणुकेचे वेळी लक्ष ठेवून त्‍यांचाही बंदोबस्‍त करावा.

पालखी मार्गावार ठिकठिकाणी साऊंड सिस्‍टीमची व्‍यवस्‍था करण्‍यात येणार असून कॉर्डलेस माईकने सुचना देण्‍याची व्‍यवस्‍था करण्‍यात येणार आहे. सुरक्षारक्षकांना त्‍यांव्‍दारे वेळोवेळी सुचना देण्‍यात येतील. पालखी व रथाच्‍या दर्शनासाठी येणा-या व औक्षण करणा-या महिलांना धक्‍काबुक्‍की होणार नाही याची दक्षता घ्‍यावी. तसेच मिरवणुकीसाठी आलेले ढोल पथके, बॅण्‍ड पथके यांचे रथाच्‍या मिरवणूकीमध्‍ये नियोजन करावे. यावर्षी महिलांसाठी वेगळे सुरक्षा पथक तयार करण्‍यात येणार असून यामध्‍ये संस्‍थानच्‍या महिला सुरक्षारक्षक व महिला पोलिसांचा समावेश राहील.

श्री रामनवमी करीता येणा-या पालखीतील साईभक्‍तांकरीता टाइम दर्शनचे जादा काऊंटर सुरु करण्‍यात येणार आहेत. पालखीतील साईभक्‍तांशी सुरक्षारक्षकांनी सौजन्‍याने व नम्रतेने वागावे म्‍हणजे उत्‍सवाचा योग्‍य संदेश बाहेर जाईल असे श्री.तांबे यांनी सांगितले. याप्रसंगी शिर्डी पोलिस स्‍टेशनचे पोलिस निरीक्षक प्रताप इंगळे यांनीही मार्गदर्शन केले. तर श्री.गंगावणे यांनी आभार मानले.  

 

शिरडी-

  श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने श्री साईबाबांच्‍या समाधीच्‍या दर्शनासाठी शिर्डीत येणा-या पालख्‍यांचा मेळावा आयोजित करण्‍यात येणार असून सर्व पालखी मंडळांनी आपली नावे संस्‍थानकडे नोंदवावीत, असे आवाहन संस्‍थानचे अध्‍यक्ष डॉ.सुरेश हावरे यांनी केले.

     डॉ.हावरे म्‍हणाले, श्री साईबाबांच्‍या समाधीच्‍या दर्शनासाठी दररोज हजारो साईभक्‍त शिर्डी येथे येत असतात. यापैकी अनेकांनी संस्‍थानकडे सेवेची विनंती केलेली आहे. शेगांवच्‍या सेवेकरी योजनेच्‍या धर्तीवर साईसेवक योजना राबविण्‍याचा संस्‍थानचा मानस असून श्री साईबाबांच्‍या मंदिरामध्‍ये सेवाभाव वाढवणे व भक्‍तांना सेवाभावी वागणूक मिळण्‍यासाठी ही योजना रा‍बविण्‍यात येत आहे. राज्‍यातून मुंबई, पुणे, नाशिक, शहापूर, भिवंडी, औरंगाबाद, अहमदनगर, जळगांव, धुळे आदी ठिकाणाहून तसेच इतर राज्‍यांच्‍या कानाकोप-यातून वर्षभर शेकडो पालख्‍या घेवून पदयात्री भाविक शिर्डीत येत असतात. श्री साईबाबा समाधी शताब्‍दी वर्षाच्‍या अनुषंगाने संस्‍थानला साईसेवकांची मोठ्या प्रमाणावर गरज भासणार आहे. यामुळे पालखी सोबत येणा-या पदयात्री भाविकांना प्रथम साईसेवकांचा मान देवून त्‍यांच्‍याकडून सेवा घेण्‍याचा निर्णय घेण्‍यात आलेला आहे.

     यासाठी पालखीसोबत येणा-या साईभक्‍तांनी २१ व्‍यक्‍तींचा ०१ गट तयार  करुन त्‍यांची नोंदणी संस्‍थानकडे करावी. या गटामध्‍ये २० सदस्‍य व ०१ प्रमुख राहील तर या गटाला वर्षातून फक्‍त ०८ दिवस सेवा करण्‍याची संधी दिली जाईल. अशा सुमारे १० हजार ५०० साई सेवकांची मदत श्री साईबाबा समाधी शताब्‍दी वर्षात होणार असून ही सेवा करण्‍याची पहिला मान पालखीसोबत येणा-या पदयात्री भाविकांना देण्‍यात येईल. ही सेवा निशुल्‍क असेल. संस्‍थानच्‍या वतीने साईसेवकांची निवास, भोजन, नाष्‍टा व चहापाण्‍याची व्‍यवस्‍था मोफत करण्‍यात येईल. सर्व पालखी भक्‍त मंडळांनी आपली नावे नोंदविण्‍यासाठी श्री साईबाबा संस्‍थानच्‍या संरक्षण विभागाकडे ०२४२३-२५८८८५/२५८८८८ या दुरध्‍वनी क्रमांकावर तसेच security@sai.org.in  या ई-मेल आयडीवर संपर्क साधावा. तसेच अधिक मा‍हितीसाठी संरक्षण विभागाचे श्री.विलास कोते मो.नं. ९०४९७२७२१५ व श्री.योगेश गोरक्ष मो.नं. ९४२०७८६५०७ यांच्‍याशी संपर्क करावा असे सांगुन शताब्‍दी वर्षाच्‍या अनुषंगाने श्रीसाईबाबा संस्‍थानने सुरु केलेल्‍या साईसेवक योजनेमध्‍ये पालखीसोबत येणा-या पदयात्री साईभक्‍तांनी मोठ्या प्रमाणावर सहभागी व्‍हावे असे आवाहनही डॉ.हावरे यांनी केले आहे.

 

शिरडी-

  श्री साईबाबा संस्‍थान विश्‍वस्‍तव्‍यवस्‍था, शिर्डीचे जनसंपर्क अधिकारी मोहन यादव यांनी लिहीलेल्‍या "श्री साई चरित्र दर्शन" या पुस्‍तकाचे श्रीलंकेतील सिहंली भाषेत भाषांतरीत केलेल्‍या पुस्‍तकाचे प्रकाशन संस्‍थानचे अध्‍यक्ष डॉ.सुरेश हावरे यांच्‍या हस्‍ते करण्‍यात आले.

    श्री साईबाबा संस्‍थान विश्‍वस्‍तव्‍यवस्‍था, शिर्डीचे अध्‍यक्ष डॉ.सुरेश हावरे व त्‍यांची सुविद्य पत्‍नी सौ.नलिनी हावरे, विश्‍वस्‍त सचिन तांबे, कार्यकारी अधिकारी श्रीमती रुबल अग्रवाल यांच्‍या शुभहस्‍ते सिहंली भाषेतील पुस्‍तकाचे प्रकाशन करण्‍यात आले. साई चरित्र दर्शन या पुस्‍तकाचे श्रीलंकेतील शिरडी साई सेंटर ऑफ श्रीलंका, कोलंबो या साई मंदिराने सिहंली भाषेत भाषांतरीत केले आहे. यामुळे श्रीलंकेतील साईभक्‍तांना श्री साईबाबांचे जीवन चरित्र समजण्‍यास मदत होईल.

जनसंपर्क अधिकारी मोहन यादव यांनी श्री साईसच्‍चरित या मुळ पद्यात्‍मक ग्रंथाचा कै.ले.कर्नल मु.ब.निबाळकर यांनी भावानुवाद केलेल्‍या श्री साईंचे सत्‍यचरित्र (मराठी) या ग्रंथावर आधारीत श्रीसाई चरित्र दर्शन या मराठी भाषेतील ग्रंथ प्रकाशीत केला असून त्‍याची दुसरी आवृत्‍ती ही प्रसिध्‍द झालेली आहे. आजपर्यंत या पुस्‍तकाचे हिंदी, इंग्रजी, गुजराथी, आसामी, तेलगु, तामिळ, पंजाबी व कोकणी अशा एकुण १० भाषेत प्रकाशन झालेले आहे.

      यावेळी सौ.रुपाली तांबे, सौ.सरस्‍वती वाकचौरे, जनसंपर्क अधिकारी मोहन यादव व मंदिर प्रमुख राजेद्र जगताप आदि उपस्थित होते.

 

शिर्डी –

     श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या दिनांक २७ मार्च रोजी झालेल्‍या व्‍यवस्‍थापन समितीच्‍या सभेत श्रीरामनवमी उत्‍सवामध्‍ये दिनांक ०३ एप्रिल रोजी "माझी आई तिचा बाप" हे विनोदी नाटक व दिनांक ०४ एप्रिल रोजी साई-स्‍वर नृत्‍योत्‍सव या कार्यक्रमास मान्‍यता दिली असल्‍याची माहिती संस्‍थानच्‍या कार्यकारी अधिकारी श्रीमती रुबल अग्रवाल यांनी दिली.

     श्रीमती अग्रवाल म्‍हणाल्‍या, श्रीरामनवमी उत्‍सवाचे निमित्‍ताने प्रथम दिवशी साईनगरच्‍या प्रांगणात अनंत वसंत पणशीकर यांनी निमिर्ती केलेल्‍या माझी आई तिचा बाप हे नाटक आयोजित केले आहे. या नाटकात प्रमुख विनोदी भुमिकेत स्मिता जयकर व मोहन जोशी यांचा समावेश आहे. नाटकाची संकल्‍पना रेणूका भिडे यांची असून लेखक फ्रान्सिस ऑगस्‍टीन तर दिग्‍दर्शक सुदेश म्‍हशीलकर हे आहेत. या नाटकास मयुरेश माडगांवकर यांनी संगीत दिले असुन नेपथ्‍य सचिन गांवकर यांचे तर प्रकाश योजना शितल तळपदे यांची आहे. तर उत्‍सवाच्‍या मुख्‍य दिवशी दिनांक ०४ एप्रिल रोजी रात्रौ ७.३० वाजता साई स्‍वर नृत्‍योत्‍सव हा विजय साखरकर मुंबई यांचा कार्यक्रम आयोजित केलेला असल्‍याचे सांगुन या दोन्‍ही कार्यक्रमांना व्‍यवस्‍थापन समितीनी मान्‍यता दिली असून जास्‍तीत जास्‍त भाविकांनी या कार्यक्रमांना उपस्थित रहावे असे आवाहनही श्रीमती अग्रवाल यांनी केले.

उत्‍सवात होणारी संभाव्‍य गर्दी लक्षात घेवून दर्शनाची व्‍यवस्‍था सुखकर व्‍हावी याकरिता उन्‍हापासून संरक्षणासाठी मंदिर व परिसरात मंडप उभारण्‍यात आलेले आहे. याबरोबरच मुंबई व परिसरातून पालखी सोबत येणा-या पदयात्रींची निवा-याची सोय व्‍यवस्थितरित्‍या होण्‍यासाठी संस्‍थानच्‍या वतीने मुंबई ते शिर्डी महामार्गावर ठिकठिकाणी कापडी मंडप कनात बिछायतीसह उभारण्‍यात आलेले असून यामध्‍येही विद्युत व पाणी पुरवठ्याची सोय करण्‍यात आलेली आहे. तसेच पालख्‍या शिर्डी येथे आल्‍यानंतर पदयात्रींची साई धर्मशाळा येथे नाममात्र दरात निवासाची व्‍यवस्‍था करण्‍यात येणार आहे. सिन्‍नर ते शिर्डी या मार्गावर पदयात्रींना आवश्‍यकतेनूसार तातडीची वैद्यकीय सुविधा उपलब्‍ध व्‍हावी यासाठी फिरते वैद्यकीय पथक तैनात करण्‍यात आले आहे. तसेच मंदिर परिसर, दर्शनरांग, नविन भक्‍तनिवासस्‍थान (५०० रुम), साईआश्रम व श्री साईप्रसादालय आदी ठिकाणी प्रथमोपचार केंद्र सुरु राहणार आहे. उत्‍सव कालावधीत भक्‍तांना दर्शन रांगेतून बुंदी प्रसाद वाटप व प्रसाद लाडू पॅकेट सहजतेने उपलब्‍ध व्‍हावे यासाठी २५० क्विंटल साखरेचे अतिरिक्‍त लाडू व बुंदी तयार करण्‍यात आलेली आहे.

 तसेच उत्‍सवातील तीन दिवसाकरीता प्रसाद भोजनासाठी दानशूर देणगीदार साईभक्‍त दुश्‍मन्‍त कुमार स्‍वाईन भुवनेश्‍वर, व्‍ही.व्‍ही.राघवन मुंबई, श्रीनिवास जी. शिरगुरकर, सुनिल अग्रवाल मुंबई, श्रीमती वृदां सुंदरम दिल्‍ली, हेमंतकुमार जैन कलकत्‍ता, सौ.सिता हरीहरण अमेरिका, प्रकाश कुमार, संजय सोड लुधीयाना व सौ.बिनाबेन समिरकुमार पटेल यांनी देणगी दिली असल्‍याचेही श्रीमती अग्रवाल यांनी सांगितले.

उत्‍सव यशस्‍वीरित्‍या पार पाडण्‍यासाठी संस्‍थानचे अध्‍यक्ष डॉ.सुरेश हावरे, उपाध्‍यक्ष चंद्रशेखर कदम, सर्व विश्‍वस्‍त व कार्यकारी अधिकारी श्रीमती रुबल अग्रवाल यांच्‍या मार्गदर्शनाखाली संस्‍थानचे उपकार्यकारी अधिकारी डॉ.संदीप आहेर, सर्व प्रशासकीय अधिकारी, सर्व विभागांचे विभाग प्रमुख व सर्व कर्मचारी प्रयत्‍नशिल आहे.

 

शिर्डी-

          श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या वतीने शिर्डी नगरपंचायत हद्दीतील ०८ रस्‍ते विकसित करणेकामी २२ कोटी ६९ लाख ९१ हजार ५१० रुपये व महाराष्‍ट्र सुवर्ण जयंती नगरोत्‍थान योजनेअंतर्गत नागरी तिर्थक्षेत्राचा सुनियोजित रस्‍ताविकास प्रकल्‍पासाठी नगरपंचायतीचा हिस्‍सा (लोकवर्गणी) ४.२०६ कोटी देणेबाबतचा निर्णय व्‍यवस्‍थापन समितीचे सभेत घेण्‍यात आल्‍याची माहिती संस्‍थानचे अध्‍यक्ष डॉ.सुरेश हावरे यांनी दिली.

          यासभेस संस्‍थानचे उपाध्‍यक्ष चंद्रशेखर कदम, विश्‍वस्‍त सर्वश्री भाऊसाहेब वाकचौरे, बिपीन कोल्‍हे, प्रताप भोसले, सचिन तांबे, विश्‍वस्‍त तथा नगराध्‍यक्षा सौ.योगिताताई शेळ‍के, संस्‍थानच्‍या कार्यकारी अधिकारी श्रीमती रुबल अग्रवाल व उपकार्यकारी अधिकारी डॉ.संदिप आहेर आदि उपस्थित होते.

          डॉ.हावरे म्‍हणाले, शिर्डी नगरपंचायत हद्दीतील डॉ.हेडगेवार नगरमधील रस्‍त्‍याचे कॉंक्रीटीकरण करणे, १२ चारी रस्‍ता (स्‍वागत कक्ष ते नांदूर्खी शीव रस्‍ता १२ चारी) बंदीस्‍त करणे, पुखराज लोढा ते पिंपळवाडी रोड, रज्‍जाक शेख लगत पुनमनगर गल्‍ली क्र.०१ ते रावजी कोंडाजी कोते यांचे घरापर्यंत रस्‍ता, श्रीकृष्‍णनगर मधील रस्‍ते, सर्व्‍हे नं.१३४ सर कॉलनी रस्‍ते, गणेशवाडी मधील रस्‍ते व हॉटेल श्रध्‍दापार्क ते पुखराज लोढा- १२ चारी इनामवाडी रस्‍ता आदि आठ रस्‍ते विकसीत करण्‍यात येणार असून यासाठी येणा-या रुपये २२ कोटी ६९ लाख ९१ हजार ५१० चे खर्चास मान्‍यता देण्‍यात आली आहे. तसेच शिर्डी नगरपंचायत शिर्डी यांचे विनंतीनुसार महाराष्‍ट्र सुवर्ण जयंती नगरोत्‍थान योजनेअंतर्गत नागरी तिर्थक्षेत्राचा सुनियोजित रस्‍ताविकास प्रकल्‍पासाठी नगरपंचायतीचा हिस्‍सा (लोकवर्गणी) रुपये ४.२०६ कोटी देणेबाबतचा निर्णयही घेण्‍यात आला असल्‍याचे डॉ.हावरे यांनी सांगितले. 

 

गुढीपाडव्या निमित्त गुढीची विधिवत पूजा करताना संस्थानचे अध्य‍क्ष डॉ.सुरेश हावरे व त्यांची सुविद्य पत्नी सौ.नलिनी हावरे. यावेळी विश्वस्त सचिन तांबे व त्यांची सुविद्य पत्नी सौ.रुपाली तांबे, कार्यकारी अधिकारी श्रीमती रुबल अग्रवाल व सौ.सरस्वती वाकचौरे आदी उपस्थित होते.

 

 

शिरडी-

            आज श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने श्रीरामनवमी उत्‍सवाकरीता मुंबई येथून येणा-या पालखी पदयात्री साईभक्‍तांच्‍या पिण्‍याच्‍या पाण्‍याची सुविधे व्‍हावी म्‍हणून १० ट्रक टॅकर मुंबई-शिर्डी महामार्गावरील पालखी थांब्‍यांकडे रवाना करण्‍यात आले. या ट्रक टॅकरचे पूजन विश्‍वस्‍त सचिन तांबे यांच्‍या हस्‍ते करण्‍यात आले.

श्रीरामनमी उत्‍सवानिमित्‍त श्रींच्‍या समाधीच्‍या दर्शनाकरीता महाराष्‍ट्रसह इतर राज्‍यांच्‍या कानाकोप-यातून लाखो भाविक शिर्डी येथे येतात. श्रीरामनवमी उत्‍सवाचे औचित्‍य साधून शेकडो पालख्‍या घेवून पदयात्री मोठ्या संख्येने शिर्डीत हजेरी लावतात. यामध्‍ये मुंबई येथून येणा-या पालख्‍यांची संख्‍या अधिक असते. यामुळे मुंबई शिर्डी यामहार्गावर ठिकाणी पालखी थांबे उभारण्‍यात आलेले असून उत्‍सवानिमित्‍त पालखी सोबत येणा-या पदयात्रींची निवा-याची सोय व्‍यवस्थितरित्‍या होण्‍यासाठी संस्‍थानच्‍या वतीने ठिकठिकाणी कापडी मंडप कनात बिछायतीसह अतिरिक्‍त पालखीथांबे ही उभारण्‍यात आलेले आहे. या ठिकाणी विद्युत व्‍यवस्‍थेबरोबर पिण्‍याच्‍या पाण्‍याची व्‍यवस्‍थाही करण्‍यात आली आहे. या पाणीपुरवठा व्‍यवस्‍थेकामी कोपरगांव येथील वाल्‍मीकराव कातकडे यांनी विनामुल्‍य १० पाण्‍याचे टॅकर दिलेले असून याकरीता संस्‍थानच्‍या वतीने इंधन खर्च व २६ कर्मचा-याचे पथक कार्यरत करण्‍यात आलेले आहेत.

     श्री साईबाबा संस्‍थानचे विश्‍वस्‍त सचिन तांबे यांच्‍या हस्‍ते ट्रक टॅकरचे पूजन करुन मुंबई शिर्डी महामार्गावर १० ट्रक टॅकर मुंबई-शिर्डी महामार्गावरील पालखी थांब्‍यांकडे रवाना करण्‍यात आले. यावेळी पाणीपुरवठा विभाग प्रमुख राजेंद्र जगताप व कर्मचारी मोठ्या संख्‍येने उपस्थित होते.

 

 

शिरडी –

     जागतिक ग्राहक दिना निमित्‍त आयोजित करण्‍यात आलेल्‍या जिल्‍हास्‍तरीय निबंधस्‍पर्धेत शिर्डी येथील श्री साईबाबा कन्‍या विद्या मंदिर व कनिष्‍ठ महाविद्यालयाने उल्‍लेखनीय यश संपादन केले आहे. शालेय, महाविद्यालय व खुला अशा तीन गटांत झालेल्‍या या स्‍पर्धेत विद्यालयाने शालेय गटात प्रथम तीन क्रमांकाची व उत्‍तेजनार्थ दोन पारितोषीके प्राप्‍त केली आहेत.

     श्रीरामपूर येथील सी.डी.जे.कॉमर्स कॉलेजमध्‍ये हा पारितोषिक वितरण समारंभ संपन्‍न झाला. ग्राहक चळवळीने प्रणेतेकै.बिंदूमाधव जोशी यांचे स्‍मृतिप्रित्‍यर्थ ग्राहक दिनाचे औचित्‍य साधून जिल्‍हा स्‍तरावर या स्‍पर्धांचे आयोजन करण्‍यात  आले होते. ग्राहक जागृती व ग्राहक चळवळ हा मध्‍यवर्ती आशय ठेवून सादर केलेल्‍या निबंधलेखनात विद्यालयाच्‍या कु.साक्षी लोखंडे हिने प्रथम तर कु.कोमल पवार व कु.प्रियंका सोनवणे यांनी अनुक्रमे व्दितीय व तृतीय क्रमांकाची पारितोषिके पटकाविली. कु.श्रुतिका भालेराव व कु.अंकिता सोळसे यांना शालेय गटात उत्‍तेजनार्थ पारितोषिके देणेत आली. प्रथम तीन क्रमांकांस स्‍मृतीचिन्‍ह, प्रमाणपत्र व रोख रक्‍कम तर उत्‍तेजनार्थ स्‍मृतीचिन्‍ह, प्रमाणपत्र असे पारितोषिकाचे स्‍वरूप होते.या विद्यार्थिनीस शिक्षक वसंत किसन वाणी यांचे मार्गदर्शन लाभले तर प्राचार्या श्रीमती जे.एस.मिरजकर यांनी देखील मौलिक सूचना केल्‍या. महाविद्यालय गटात श्री साईबाबा कनिष्‍ठ महाविद्यालयाचेप्रा.सुनिल कांडेकर यांच्‍या निबंधासदेखील पारितोषिक मिळाले.

     विद्यालयाच्‍या या दैदिप्‍यमान यशाबद्दल श्री साईबाबा संस्‍थान विश्‍वस्‍तव्‍यवस्‍था शिर्डीचे अध्‍यक्ष डॉ.सुरेश हावरे, उपाध्‍यक्ष चंद्रशेखर कदम, सर्व विश्‍वस्‍त, कार्यकारी अधिकारी श्रीमती रुबल अग्रवाल, उपकार्यकारी अधिकारी डॉ.संदिप आहेर, मुख्‍यलेखाधिकारी बाबासाहेब घोरपडे व सर्व प्रशासकीय अधिकारी यांनी अभिनंदन करुन यापुढे होणा-या अशा स्‍पर्धांकरीता शुभेच्‍छा दिल्‍या.

 

शिर्डी –

      श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने सालाबाद प्रमाणे यावर्षी सोमवार दिनांक ०३ एप्रिल २०१७ ते बुधवार दिनांक ०५ एप्रिल २०१७ याकाळात श्रीरामनवमी उत्‍सव साजरा करण्‍यात येणार असून या निमित्‍ताने विविध कार्यक्रमांचे आयोजन करण्‍यात आले असल्‍याची माहिती संस्‍थानच्‍या  कार्यकारी अधिकारी श्रीमती रुबल अग्रवाल यांनी दिली.

      श्रीमती अग्रवाल म्‍हणाल्‍या, श्रीरामनवमी उत्‍सवाची सुरुवात १९११ मध्‍ये श्री साईबाबांचे अनुमतीने करण्‍यात आली. तेंव्‍हापासून प्रतीवर्षी हा उत्‍सव मोठ्या उत्‍साहाच्‍या वातावरणात शिर्डी येथे साजरा केला जातो. यावर्षी या निमित्‍ताने सोमवार दिनांक ०३ एप्रिल रोजी पहाटे ४.३० वा. श्रींची काकड आरती, पहाटे ५.०० वाजता श्रींच्‍या फोटोची व पोथीची मिरवणूक, ५.१५ वा. व्‍दारकामाईत श्री साईसच्चरिताचे अखंड पारायण, ५.२० वा. श्रींचे मंगलस्‍नान व दर्शन, दुपारी १२.३० वा. माध्‍यान्‍ह आरती व तीर्थप्रसाद आदि कार्यक्रम होणार आहे. दुपारी ४.०० वा. ते सायं.६.०० यावेळेत समाधी मंदिराशेजारील स्‍टेजवर कीर्तन होणार आहे. सायंकाळी ६.३० वा.धुपारती होणार असून रात्रौ ९.१५ वा. चावडीत श्रींचे नित्‍याचे पुजन व पालखीची गावातून मिरवणूक काढण्‍यात येईल. मिरवणूक परत आल्‍यानंतर रात्रौ १०.३० वा. शेजारती होईल. यादिवशी पारायणासाठी व्‍दारकामाई मंदिर रात्रभर उघडे राहणार आहे.

      मंगळवार, दिनांक ०४ एप्रिल रोजी पहाटे ४.३० वा. श्रींची काकड आरती, पहाटे ५.०० वा. अखंड परायणाची समाप्‍ती होवून श्रींच्‍या फोटो व पोथीची मिरवणूक होईल. पहाटे ५.२० वा. कावडींची मिरवणूक व श्रींचे मंगलस्‍नान होईल. सकाळी १० ते १२ यावेळेत समाधी मंदिराशेजारील स्‍टेजवर श्रीरामजन्‍म किर्तन कार्यक्रम, दुपारी १२.३० वा. माध्‍यान्‍ह आरती होणार आहे. दुपारी ४.०० वा. निशाणांची मिरवणूक तर सायं.५.०० वा. श्रींच्‍या रथाची गावातून मिरवणूक होणार आहे.मिरवणूक परत आल्‍यानंतर सायं.६.३० वा. धुपारती होईल. रात्रौ १०.०० ते पहाटे ५.०० वाजेपर्यंत श्रींचे समोर इच्‍छुक कलाकारांचा हजेरी कार्यक्रम होईल. तसेच हा उत्‍सवाचा मुख्‍य दिवस असल्‍याने समाधी मंदिर दर्शनासाठी रात्रभर उघडे राहील. यामुळे दिनांक ०४ एप्रिल रोजीची नित्‍याची शेजारती व दिनांक ०५ एप्रिल रोजीची पहाटेची काकड आरती होणार नाही.

      उत्‍सवाच्‍या सांगता दिनी बुधवार, दिनांक ०५ एप्रिल रोजी पहाटे ५.०५ वा. श्रींचे मंगलस्‍नान व दर्शन, सकाळी ६.३० वा. गुरुस्‍थान मंदिरामध्‍ये रुद्राभिषेक, सकाळी १०.३० वा. गोपाळकाला कीर्तन व दहीहंडीचा कार्यक्रम होणार आहे. दुपारी १२.१० वा. माध्‍यान्‍ह आरती व तीर्थप्रसाद, सायं.६.३० वा. धुपारती होवून रात्रौ १०.३० वा. शेजारती होईल.

      उत्‍सव कालावधीमध्‍ये रोज रात्रौ ७.३० ते रात्रौ १०.३० यावेळेत निमंत्रीत कलाकारांचे कार्यक्रम साईनगर मैदानावरील स्‍टेजवर होणार आहेत. उत्‍सव काळात तीन दिवस साई सत्‍यव्रत (सत्‍यनारायण) आणि अभिषेक पूजा बंद ठेवण्‍यात येणार आहेत. उत्‍सवाचे निमित्‍ताने व्‍दारकामाई मंदिरात प्रथम दिवशी होणा-या श्रीसाईसच्‍चरिताच्‍या अखंड पारायणामध्‍ये जे साईभक्‍त भाग घेवू इच्‍छीतात अशा साईभक्‍तांनी आपली नावे रविवार दिनांक ०२ एप्रिल २०१७ रोजी दुपारी १.०० वा. ते सायंकाळी ५.३० वा. यावेळेत समाधी मंदिरातील व्‍यासपीठावर नोंदवावीत. त्‍याच दिवशी सोडत पध्‍दतीने पारायणसाठी भक्‍तांची नावे सायंकाळी ६.०० वा. निश्चित करण्‍यात येतील. तसेच दिनांक ०४ एप्रिल या उत्‍सवाच्‍या मुख्‍य दिवशी होणा-या कलाकारांच्‍या हजेरी कार्यक्रमासाठी इच्‍छुक कलाकरांनी आपली नावे समाधी मंदिराशेजारील अनाऊन्‍समेंट सेंटरमध्‍ये मंदिर कर्मचा-याकडे आगाऊ नोंदवावीत असे सांगून सर्व साईभक्‍तांनी या उत्‍सवास उपस्थित राहून उत्‍सवाची शोभा वाढवावी असे आवाहन श्रीमती अग्रवाल यांनी केले आहे.

      उत्‍सव यशस्‍वीरित्‍या पार पाडण्‍यासाठी संस्‍थानचे अध्‍यक्ष डॉ.सुरेश हावरे, उपाध्‍यक्ष चंद्रशेखर कदम, सर्व विश्‍वस्‍त व कार्यकारी अधिकारी श्रीमती रुबल अग्रवाल यांच्‍या मार्गदर्शनाखाली संस्‍थानचे उपकार्यकारी अधिकारी डॉ.संदीप आहेर, सर्व प्रशासकीय अधिकारी, सर्व विभागांचे विभाग प्रमुख व सर्व कर्मचारी प्रयत्‍नशिल आहे.

 

शिरडी –

            श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या खरेदी समितीची सभा आज संस्‍थानच्‍या कार्यकारी अधिकारी श्रीमती रुबल अग्रवाल यांच्‍या अध्‍यक्षतेखाली पार पडली.

            श्रीमती.अग्रवाल यांच्‍या अध्‍यक्षतेखाली पार पडलेल्‍या खरेदी समितीच्‍या सभेस निमंत्रीत विश्‍वस्‍त श्री.भाऊसाहेब वाकचौर, संस्‍थानचे उपकार्यकारी अधिकारी डॉ.संदिप आहेर, प्रशासकीय अधिकारी सर्वश्री सुर्यभान गमे, दिलीप उगले, उत्‍तम गोंदकर, अशोक औटी, मुख्‍यलेखाधिकारी बाबासाहेब घोरपडे, वैद्यकीय संचालक डॉ.विजय नरोडे आदि उपस्थित होते.

            यावेळी श्रीमती.अग्रवाल म्‍हणाल्‍या, आज पार पडलेल्‍या खरेदी समितीच्‍या सभेत एकुण २५ विषयांचा समावेश होता. यामध्‍ये श्री रामनवमी उत्‍सव कालावधीत भक्‍तांच्‍या सुविधेकरीता मंडप उभारणे, उन्‍हाळयाच्‍या कालावधीत भक्‍तांच्‍या सुविधेकरीता मंडप उभारणे, मंदिर परिसरात एम.एस.स्‍ट्रक्‍चर व पी.व्‍ही.सी. फॅब्रिकचे छत असलेल्‍या शेडस्‍ उभारणे, लाडू निर्मितीसाठी स्‍वतंत्र फुड प्रासेसिंग युनिट उभारणेकरीता सल्‍लागार नेमणे, श्री साईबाबा समाधी शताब्‍दी निमित्‍ताने फुलांची सजावट करणे, शिर्डी बसस्‍थान येथील संस्‍थानचे भक्‍तनिवासमध्‍ये ठेवणेसाठी एम.एस.बेडस्‍ खरेदी करणे, साठवण तलाव येथे पंप रुम तयार करणे, तसेच श्री साईबाबा व श्री साईनाथ रुग्‍णालयाकरीता आवश्‍यक मशीनरी/उपकरणे/साहित्‍य खरेदी करणे आदि १७ कामासाठी आलेल्‍या तांत्रिक निविदा व इतर ०८ कामासाठी प्राप्‍त वाणिज्‍यीक निविदा उघडण्‍यात आल्‍या. या उघडण्‍यात आलेल्‍या निविदा पुढील कार्यवाहीसाठी उपसमितीचे सभेपुढे सादर करण्‍यात येणार असल्‍याचेही श्रीमती.अग्रवाल यांनी सांगितले. 

 

Ranga Panchami festival Celebration

श्री साईबाबा संस्थान विश्वस्तव्यवस्था शिर्डीच्या वतीने गुरूस्थान मंदिरासमोर होळी पेटविण्यात आली. त्यावेळी संस्थानचे उपकार्यकारी अधिकारी डॉ.संदीप आहेर यांनी सपत्नीक होळी पूजन केले.

N

श्री साईबाबा संस्थान विश्वस्तव्यवस्था (शिर्डी) च्या‍ नवनियुक्त कार्यकारी अधिकारी श्रीमती रुबल अग्रवाल यांचे  स्वागत करताना संस्थासनचे अध्यक्ष डॉ.सुरेश हावरे यावेळी उपाध्यक्ष चंद्रशेखर कदम विश्वस्त  सर्वश्री भाऊसाहेब वाकचौरे, प्रताप भोसले, सचिन तांबे, सौ.योगिताताई शेळके व उपकार्यकारी अधिकारी डॉ.संदीप आहेर आदी उपस्थित होते.s

 

श्री साईबाबा संस्थान विश्वस्तव्यवस्था (शिर्डी) च्या नवनियुक्त कार्यकारी अधिकारी श्रीमती रुबल अग्रवाल यांनी श्री साईबाबाच्या समाधीचे दर्शन घेतले.ew

 

संस्थानच्या  नवनियुक्त कार्यकारी अधिकारी श्रीमती रुबल अग्रवाल पदभार स्विकारतांना.

 

शिरडी –

          श्री साईबाबा संस्‍थान विश्‍वस्‍तव्‍यवस्‍था (शिर्डी) प्रकाशित साईलीला मराठी, श्री साईलीला हिंदी-इंग्रजी व प्रस्‍तावित साईसेवा मराठी, हिंदी व इंग्रजी या नियतकालीकांकरीता संपादकीय मंडळ गठीत करण्‍याचा संस्‍थानचा मानस असून आध्‍यात्मिक क्षेत्रातील संपादनाचा अनुभव असणा-या इच्‍छुकांनी कार्यकारी अधिकारी, श्री साईबाबा संस्‍थान विश्‍वस्‍तव्‍यवस्‍था, शिर्डी या पत्‍त्‍यावर अर्ज करावेत असे आवाहन संस्‍थानचे अध्‍यक्ष डॉ.सुरेश हावरे यांनी केले.

          डॉ.हावरे म्‍हणाले, श्री साईबाबांनी मंगळवार, दिनांक १५ ऑक्‍टोबर १९१८ रोजी शिर्डी येथे महासमाधी घेतली. या महासमाधीचा शताब्‍दी सोहळा विजयादशमी २०१७ ते विजयादशमी २०१८ या कालावधीत श्री साईबाबा संस्‍थानच्‍या वतीने ग्रामस्‍थ व देश-विदेशातील साईभक्‍तांच्‍या सहकार्याने मोठ्या प्रमाणात साजरा करण्‍यात येणार आहे. याचबरोबर श्री साईबाबांच्‍या प्रेरणेने श्री साईबाबांचे प्रत्‍यक्ष सन्निध्‍य लाभलेल्‍या साईभक्‍तांनी चैत्र शके १८४५ (सन १९२३) मध्‍ये  सुरु  केलेल्‍या श्री साईलीला नियतकालिकाला सन २०२३ मध्‍ये शंभर वर्षे पुर्ण होणार आहेत. या दोन ऐतिहासिक घटनांचे औचित्‍य साधून संस्‍थान प्रकाशित साई‍लीला मराठी, श्री साईलीला हिंदी-इंग्रजी व तसेच साईसेवा कार्याची माहिती देश-विदेशातील भाविकांना व्‍हावी आणि त्‍याव्‍दारे साईसेवेची प्रेरणा मिळावी याकरिता प्रस्‍तावित साईसेवा मराठी, हिंदी व इंग्रजी या नियतकालिकांकरिता संपादकीय मंडळ गठीत करण्‍याचा संस्‍थानचा मानस असून आधात्मिक क्षेत्रातील संपादनाचा २० वर्षचा अनुभव व मराठी, हिंदी, इंग्रजी भाषा अवगत असणा-या इच्‍छुकांनी कार्यकारी अधिकारी, श्री साईबाबा संस्‍थान विश्‍वस्‍तव्‍यवस्‍था, शिर्डी – ४२३ १०९, ता.राहाता, जि,अहमदनगर या पत्‍त्‍यावर अर्ज दिनांक ३० मार्च २०१७ पर्यंत पाठवावे असे आवाहन संस्‍थानचे अध्‍यक्ष डॉ.हावरे यांनी केले. 

Shirdi:

It is decided to form the editorial board for the magazines Shri Saileela being published in Marathi, Hindi and English by Shri Saibaba Sansthan Trust, Shirdi and proposed magazines ‘Saiseva’ in Marathi, Hindi and English. Chairman of Shri Saibaba Sansthan Trust, Dr. Suresh Haware has appealed the interested people having the editorial experience particularly of the spiritual books/magazines to apply to Executive Officer, Shri Saibaba Sansthan Trust, Shirdi.

Dr.Haware said that Shri Saibaba went in sacred mausoleum on 15th October, 1918 (Tuesday). The centenary year of this sacred mausoleum will be celebrated from Vijayadashami 2017 to Vijayadashami 2018 by Shri Saibaba Sansthan Trust with the support of Shirdi residents and Sai devotees in and abroad. Apart from it, the Saileela magazine started by the Sai devotees in Chaitra Shake 1845 (Year 1923) by the devotees who had been associated with Shri Saibaba is completing 100 years in the year 2023. On the eve of these two historical incidents, Sansthan Trust has decided to form the editorial board for the magazines Saileela being published in Marathi, Hindi and English and proposed magazine Saiseva in Marathi, Hindi and English languages to propagate the philosophy and teachings of Shri Saibaba and to bring various activities of Sansthan to the notice of Sai devotees in and abroad. So, those who are well versed with Marathi, Hindi and English and having editorial experience of 20 years in publishing the spiritual books/magazines are appealed to send their applications to Executive Officer, Shri Saibaba Sansthan Trust, Shirdi, Tal-Rahata, Dist-Ahmednagar (Pin code 423 109) till 30th March, 2017, Dr. Haware added.

 

 

Shirdi:

    The board of trustees of Shri Saibaba Sansthan Trust, Shirdi has taken the decision in its meeting to develop 6 roads with land acquisition and development of other 8 roads under Shirdi nagar panchayat area. This entire development of roads will be done by Shri Saibaba Sansthan Trust, Shirdi, informed Chairman of Sansthan Dr. Suresh Haware.

      The meeting was chaired by Chairman Dr. Haware. Vice chairman Chandrashekhar Kadam, trustees Bhausaheb Wakchaure, Sachin Tambe, Pratap Bhosale, Adv. Mohan Jaykar, trustee and President of Shirdi nagar panchayat Yogitatai Shelke, executive officer of Sansthan Bajirao Shinde, etc were present for the meeting.

      Dr. Haware said that six roads of total length 5.32 Km including Saishraddha Society corner to Sun & Sun Hotel, Pimpalwadi road to Nimgaon boundary road (In front of Hotel Gordia), Biregaon road new Pimpalwadi road (Varah Chauk) to Kalikanagar, the road adjacent to Jain temple and Nagar-Manmad road, Pushpanjali Chauk to Pimpalwadi boundary road and Pimpalwadi road to 19 meter road (near Hotel Neeta) will be developed with land acquisition. Apart from it, 8 other roads of length 6.41 Km will be developed. The board of trustees has given the consent to bear the necessary expenses for these roads’ development. Considering centenary year of Shri Saibaba Samadhi, this work will be started very soon.     

 

शिरडी –

          श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या वतीने शिर्डी नगरपंचायतीस केंद्र शासन पुरस्‍कृत अमृत योजनेअंतर्गत मंजूर झालेल्‍या पाणी पुरवठा योजनेसाठी लोकवर्गणी भरण्‍यासाठी ६ कोटी ५ लाख ८७ हजार रुपये रक्‍कम अनुदान म्‍हणून देण्‍याचा निर्णय व्‍यवस्‍थापन समितीने घेतला असल्‍याची माहिती संस्‍थानचे अध्‍यक्ष डॉ.सुरेश हावरे यांनी दिली.

          डॉ.हावरे यांच्‍या अध्‍यक्षतेखाली झालेल्‍या बैठकीस संस्‍थानचे उपाध्‍यक्ष चंद्रशेखर कदम, विश्‍वस्‍त सर्वश्री भाऊसाहेब वाकचौरे, सचिन तांबे, प्रताप भोसले, अॅड.मोहन जयकर, विश्‍वस्‍त तथा नगराध्‍यक्षा सौ.योगिताताई अभय शेळके, कार्यकारी अधिकारी बाजीराव शिंदे आदी उपस्थित होते.

          डॉ.हावरे म्‍हणाले, शिर्डी नगरपंचायतीने संस्‍थानला दिलेल्‍या पत्रात श्री साईबाबांमुळे शिर्डी हे आंतरराष्‍ट्रीय दर्जाचे तिर्थक्षेत्र प्रसिध्‍द आहे. शिर्डीमध्‍ये दररोज मोठयाप्रमाणावर साईभक्‍त श्री साईबाबांच्‍या समाधीच्‍या दर्शनासाठी येतात. शिर्डीमध्‍ये दररोज सुमारे ७५ हजार ते १ लाख साईभक्‍त दर्शनासाठी येतात तर उत्‍सवामध्‍ये हीच संख्‍या ०२ लाखांपर्यंत जाते. यामध्‍ये परदेशी साईभक्‍तांचाही मोठा समावेश असतो. शिर्डीत येणारे हे साईभक्‍त शिर्डीतील विविध हॉटेल्‍स, लॉजेस आदि ठिकाणी राहतात. अशा साईभक्‍तांना मुलभूत सुविधा पुरवितांना आर्थिक भार नगरपंचायतीवर पडतो. तरी शिर्डी नगरपंचायतीस केंद्र शासन पुरस्‍कृत अमृत योजनेअंतर्गत मंजूर झालेल्‍या पाणी पुरवठा योजनेसाठी लोकवर्गणी भरण्‍यासाठी रक्‍कम रुपये ९.१६२ कोटी संस्‍थानकडून अनुदान स्‍वरुपात मिळणेबाबत मागणी केली होती. शिर्डी नगरपंचायतीने केलेल्‍या मागणीनुसार केंद्र शासन पुरस्‍कृत अमृत योजनेअंतर्गत मंजूर झालेल्‍या पाणी पुरवठा योजनेसाठी लोकवर्गणी भरण्‍यासाठी रक्‍कम रुपये ९.१६२ कोटी पैकी आवश्‍यक रक्‍कम रुपये ६ कोटी ५ लाख ८७ हजार संस्‍थानकडून अनुदान स्‍वरुपात देणेबाबत निर्णय घेण्‍यात आला असून या योजनेमुळे शिर्डी शहरातील नागरीकांना दैनंदिन १३५ प्रति लिटर प्रमाणे पाणी मिळणार असल्‍याचेही डॉ.हावरे यांनी सांगितले.

Shirdi:

            The board of trustees of Shri Saibaba Sansthan Trust, Shirdi has taken the decision unanimously to give the subsidy of amount Rs. 6,05,87,000/- as a part of people’s contribution to Shirdi nagar panchayat for the sanctioned water supply scheme under ‘Amrut Yojana’ sponsored by central government, informed Chairman of Shri Saibaba Sansthan Trust, Shirdi Dr. Suresh Haware.

     The meeting chaired by Dr.Haware held in this regard and Vice Chairman Chandrashekhar Kadam, trustees Bhausaheb Wakchaure, Sachin Tambe, Pratap Bhosale, Adv. Mohan Jaykar, trustee and president of Shirdi nagar panchayat Yogitatai Shelke, Executive Officer of sansthan Bajiraio Shinde, etc were present.

      Dr. Haware said that in its letter of Shirdi nagar panchayat, it has been mentioned that Shirdi is international pilgrim centre due to  Shri Saibaba. Daily a lot of devotees throng to Shirdi to take the blessings of Shri Saibaba. This daily number of devotees is in the tune of 75,000 to 1 lakh and it reaches to 2 lakhs during festival periods. It also includes the foreign devotees. The devotees coming to Shirdi stay in various lodges and hotels in Shirdi. Nagar panchayat has to bear the financial burden to provide basic amenities. So, Shirdi nagar panchayat demanded Rs. 9.168 crores in the form of subsidy an a contribution of people for the sanctioned water supply scheme under central government’s ‘Amrut Yojana’. However, board of trustees has sanctioned Rs. 6,05,87,000/- . This will help to provide the water of 135 liters per person, added Dr. Haware.

 

शिरडी –

        श्री साईबाबा संस्‍थान विश्‍वस्‍तव्‍यवस्‍थेच्‍या कुशल, अकुशल व सुरक्षा कंत्राटी कर्मचा-यांना ४० टक्‍के वेतन वाढ देण्‍याचा निर्णय घेण्‍यात आला असल्‍याची माहिती संस्‍थानचे अध्‍यक्ष डॉ.सुरेश हावरे यांनी दिली.

आज डॉ.हावरे यांच्‍या अध्‍यक्षतेखाली झालेल्‍या बैठकीस संस्‍थानचे उपाध्‍यक्ष चंद्रशेखर कदम, विश्‍वस्‍त सर्वश्री भाऊसाहेब वाकचौरे, सचिन तांबे, प्रताप भोसले, अॅड.मोहन जयकर, विश्‍वस्‍त तथा नगराध्‍यक्षा सौ.योगिताताई अभय शेळके, कार्यकारी अधिकारी बाजीराव शिंदे आदी उपस्थित होते.

डॉ.हावरे म्‍हणाले, संस्‍थानच्‍या कुशल व अकुशल कंत्राटी कर्मचा-यांना ४० टक्‍के वेतन वाढ देण्‍याचा निर्णय विश्‍वस्‍त मंडळाने आज घेतला असून यामुळे कुशल कर्मचा-यास १३ हजार ४२० रुपये तर अकुशल कर्मचा-यास १२ हजार १५१ रुपये वेतन मिळणार आहे. भविष्‍य निर्वाह निधीमध्‍ये ही त्‍याप्रमाणात वाढ होणार आहे. या‍शिवाय या कर्मचा-यांना अपघात विमा योजना लागु होणार असून त्‍यांच्‍या पाल्‍यांना शैक्षणिक शुल्‍क परतावा ही दिला जाणार आहे. तसेच आऊट सोर्ससच्‍या कंत्राटी कर्मचा-यांना वैद्यकीय सुविधा देण्‍याचा निर्णय घेण्‍यात आलेला आहे. ज्‍या कंत्राटी कर्मचा-यांची गैरहजेरी ३१ टक्‍के पेक्षा जास्‍त आहे अशा कामावरुन बंद केलेल्‍या १८५ कर्मचा-यांना पुन्‍हा कामावर घेण्‍याचा निर्णय घेण्‍यात आला आहे. मात्र दर सहा महिन्‍याला त्‍यांच्‍या कामाचा आढावा घेण्‍यात येईल. तसेच यापुढे कंत्राटी नोकर भरती बंद करण्‍याचा निर्णय ही घेण्‍यात आला. संस्‍थानने घेतलेल्‍या ४० टक्‍के वेतन वाढीच्‍या निर्णयाचा २७०० कंत्राटी कर्मचा-यांना लाभ होणार आहे.

 

शिरडी –

          श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या वतीने सुरु करण्‍यात आलेल्‍या साई रुग्‍णवाहिका योजनेव्‍दारे पहिल्‍या टप्‍प्‍यात एप्रिल व मे महिन्‍यात १०० रुग्‍णवाहिका राज्‍यातील आदिवासी, दुर्गम व पहाडी भागातील स्‍वयंसेवी संस्‍थांना देण्‍याचा निर्णय व्‍यवस्‍थापन समितीने घेतला असून या भागातील स्‍वयंसेवी संस्‍थांनी श्री साईबाबा संस्‍थानकडे आवश्‍यक कागद पत्रासह अर्ज करावेत असे आवाहन संस्‍थानचे अध्‍यक्ष डॉ.सुरेश हावरे यांनी केले आहे.

          डॉ.हावरे यांच्‍या अध्‍यक्षतेखाली झालेल्‍या बैठकीस संस्‍थानचे उपाध्‍यक्ष चंद्रशेखर कदम, विश्‍वस्‍त सर्वश्री भाऊसाहेब वाकचौरे, सचिन तांबे, प्रताप भोसले, अॅड.मोहन जयकर, विश्‍वस्‍त तथा नगराध्‍यक्षा सौ.योगिताताई अभय शेळके, कार्यकारी अधिकारी बाजीराव शिंदे आदी उपस्थित होते.

डॉ.हावरे म्‍हणाले, साई रुग्‍णवाहिका योजनेव्‍दारे पहिल्‍या टप्‍प्‍यात एप्रिल व मे महिन्‍यात १०० रुग्‍णवाहिका राज्‍यातील आदिवासी, दुर्गम व पहाडी भागातील स्‍वयंसेवी संस्‍थांना देण्‍याचा निर्णय व्‍यवस्‍थापन समितीने घेतला असून या भागातील स्‍वयंसेवी संस्‍थांनी या प्रकल्‍पामध्‍ये सहभागी होण्‍यासाठी आवश्‍यक कागद पत्रांची माहिती व भरावयाचा अर्ज संस्‍थानच्‍या www.sai.org.in या संकेतस्‍थळावर दिनांक ०१ मार्च २०१७ पासून उपलब्‍ध होईल. तसेच स्‍वयंसेवी संस्‍थेची मागील ३ वर्षाची वार्षीक  उलाढाल किमान ५ लाख रुपये असणे आवश्‍यक आहे.

रुग्‍णवाहिकेच्‍या खरेदी रक्‍कमेच्‍या ७५ टक्‍के रक्‍कम श्री साईबाबा संस्‍थान विश्‍वस्‍तव्‍यवस्‍था देणगीदार साईभक्‍तांच्‍या देणगीतून उपलब्‍ध करुन देणार असून उर्वरित २५ टक्‍के रक्‍कम स्‍वयंसेवी संस्‍थांना संस्‍थानकडे जमा करावयाची आहे. तसेच रुग्‍णवाहिकेची नोंदणी स्‍वयंसेवी संस्‍थांनी त्‍यांच्‍या जिल्‍ह्यांमध्‍ये करावी व अर्थसहाय्यामध्‍ये साईबाबा संस्‍थान व देणगीदार साईभक्‍ताचे नावाने ठेवावे. या सर्व रुग्‍णवाहिका साई अॅम्‍बुलन्‍स नावाने महाराष्‍ट्रभर चालतील व त्‍यांचे संचालन स्‍वयंसेवी संस्‍थेमार्फत होईल. तरी आदिवासी, दुर्गम व पहाडी भागातील स्‍वयंसेवी संस्‍थांनी आवश्‍यक कागद पत्रासह संस्‍थानकडे अर्ज करावा असे आवाहन डॉ.हावरे यांनी केले आहे.

Shirdi:

The board of trustees of Shri Saibaba Sansthan Trust, Shirdi has decided to distribute 100 ambulances in April and May, 2017 in the first phase to nongovernment organizations (NGOs) in Aadivasi, remote and hilly areas to provide the medical facilities under Sai Ambulance Scheme. The NGOs in such areas should submit their applications to Shri Saibaba Sansthan Trust along with necessary documents, appealed Chairman of Sansthan Dr. Suresh Haware.

This decision was unanimously taken in the meeting headed by Chairperson Dr. Haware. Vice chairman Chandrashekhar Kadam, trustees Bhausaheb Wakchaure, Sachin Tambe, Pratap Bhosale, Adv. Mohan Jaykar, trustee and President of Shirdi nagar panchayat Yogitatai Shelke, executive officer Bajirao Shinde were present for this meeting.

Dr. Haware told that board of trustees have taken important decision to provide 100 ambulances in the first phase to provide the medical facilities to the patients in Aadivasi, remote and hilly areas. These ambulances will be given to NGOs and it will be monitored by them. Dr. Haware has appealed the NGOs for this noble work. The application format to apply for getting ambulance will available on Sansthan’s website www.sai.org.in from 1 st March, 2017. The turnover of NGOs should be more than Rs. 5 lakhs in last three years.

75 percent of ambulance price will made available by Sansthan through donor devotees and 25 percent amount is required to be deposited by the concern NGO to Sansthan. The registration of ambulance will be done by concern NGO in its district and they will have to display the name of Shri Saibaba Sansthan Trust, Shirdi and donor for it on ambulance. These all ambulances will work as Sai Ambulance and will extend the medical services in all over Maharashtra. So, take the advantages in first phase, the NGOs in Aadivasi, remote and hilly areas are appealed to submit their proposals along with necessary documents as per the application format on the website, appealed Dr. Haware.

 

 

 

 

रक्‍ताची वाढती गरज लक्षात घेऊन रक्‍तदान चळवळ वृध्‍दींगत करण्‍यासाठी श्री साईबाबांच्‍या दर्शनासाठी येणा-या साईभक्‍तांच्‍या मनात रक्‍तदान संकल्‍पना रुजविण्‍याचा संस्‍थानचा मानस असल्‍याचे प्रतिपादन संस्‍थानचे अध्‍यक्ष डॉ.सुरेश हावरे यांनी केले.

श्री साईबाबा संस्‍थानच्‍या वतीने विश्‍वस्‍त प्र‍ताप भोसले यांच्‍या पुढाकारातून शिर्डी येथे रक्‍तपेढी चर्चा सत्राचे आयोजन करण्‍यात आले होते. या चर्चा सत्रात संस्‍थानचे अध्‍यक्ष डॉ.सुरेश हावरे, उपाध्‍यक्ष चंद्रशेखर कदम विश्‍वस्‍त सर्वश्री प्रताप भोसले, भाऊसाहेब वाकचौरे, सचिन तांबे, विश्‍वस्‍त तथा नगराध्‍यक्षा सौ.योगिताताई शेळके, उपकार्यकारी अधिकारी डॉ.संदिप आहेर, प्रशासकीय अधिकारी सर्वश्री अशोक औटी, उत्‍तमराव गोंदकर, सुर्यभान गमे, दिलिप उगले यांच्‍यासह राज्‍यभरातून आलेले जनकल्‍याण रक्‍तपेढींचे प्रतिनिधी उपस्थित होते.

या चर्चासत्राच्‍या आयोजनाचा हेतू स्‍पष्‍ट करताना अध्‍यक्ष डॉ.हावरे म्‍हणाले की, दिवसेंदिवस रक्‍त व रक्‍त घटकांची गरज वाढत चालली असून त्‍याप्रमाणात एैच्छिक रक्‍तदान करणा-यांची संख्‍या फार कमी आहे. श्री साईबाबांची महती सर्वदूर पसरलेली असून देश-विदेशातून लाखो साईभक्‍त शिर्डीत येत असतात. तिरुपती देवस्‍थान येथे केशदान ही संकल्‍पना रुजली असून त्‍या धर्तीवर शिर्डी येथे रक्‍तदान ही संकल्‍पना साईभक्‍तांच्‍या मनात रुजल्‍यास भविष्‍यात रक्‍त व रक्‍त घटकांची कमतरता कमी होण्‍यास मदत होईल. संस्‍थान रुग्‍णालयात थॅलेसेमिया टेस्‍ट होणेसाठी अद्यावत मशिन व रक्‍त वाहतूकीसाठी अद्यावत ब्‍लड ट्रान्‍सपोर्ट व्‍हॅन उपलब्‍ध करु असेही अध्‍यक्ष डॉ.हावरे यांनी सांगितले. संस्‍थानचे उपाध्‍यक्ष श्री.कदम यांनी श्री साईनाथ रुग्‍णालय व जनकल्‍याण रक्‍तपेढींच्‍या कामाचे कौतूक करत दोन्‍ही रक्‍तपेढ्यांच्‍या संयुक्‍त प्रयत्‍नाने रक्‍तदान चळवळ व्‍यापक बनविण्‍याची इच्‍छा व्‍यक्‍त केली. याप्रसंगी विश्‍वस्‍त प्रताप भोसले, उपकार्यकारी अधिकारी डॉ.संदीप आहेर तसेच विविध रक्‍तपेढींच्‍या प्रतिनिधींचे भाषणे झाली.

यावेळी संसथान रुग्‍णालयाचे वैद्यकीय संचालक डॉ.विजय नरोडे यांनी रुग्‍णालयातील विविध सुविधांबद्दल माहिती दिली. वैद्यकीय अधिक्षीका डॉ.मैथिली पितांबरे यांनी श्री साईनाथ रक्‍तपेढीच्‍या तर पूणे येथील डॉ.अतुल कुलकर्णी यांनी जनकल्‍याण रक्‍तपेढींच्‍या कामकाजाचा स्‍लाईड शो सादर केला. उपकार्यकारी अधिकारी डॉ.संदिप आहेर यांनी आभार तर श्री साईबाबा हॉस्पिटलचे जनसंपर्क व्‍यवस्‍थापक तुषार शेळके यांनी संत्रसंचालन केले. 

 

mbulance Donation

 

 

श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या श्री साईनाथ रुग्‍णालयात अहमदाबाद येथील सुप्रसिध्‍द लेसर किरण तज्ञ डॉ.केतन शुक्‍ला यांच्‍या सहकार्याने नुकतेच पारपडलेल्‍या मोफत किडनी स्‍टोन शिबीरात ४९ रुग्‍णांवर मोफत उपचार व शस्‍त्रक्रिया करण्‍यात आल्‍याची माहिती संस्‍थानचे कार्यकारी अधिकारी बाजीराव शिंदे यांनी दिली.

      श्री.शिंदे म्‍हणाले, श्री साईनाथ रुग्‍णालयात नुकतेच पारपडलेल्‍य मोफत किडनी स्‍टोन शिबिरात एकुण ७० रुग्‍णांनी आपली नावे नोंदवली होती. या शिबीरात १ ते १ १/२से.मी. साईजच्‍या स्‍टोनवर Sound waves च्‍या (Lithotrypsy) साहाय्याने २३ रुग्‍णांवर उपचार करण्‍यात आले. तसेच Percutaneous Nephrolithotomy १४ रुग्‍णांवर दुर्बिणीने श‍स्‍त्रक्रिया (PCNL) करणेत आल्‍या आहे. ०६ रुग्‍णांवर (URS) शस्‍त्रक्रिया करण्‍यात आल्‍या, ०५ रुग्‍णांवर (RGP-DJ STENTING) अशा दोन्‍हीही प्रकारच्‍या शस्‍त्रक्रिया करण्‍यात आल्‍या, ०१ रुग्‍णावर Cystolithophexy शस्‍त्रक्रिया करण्‍यात आल्‍या आहेत. यासाठी अहमदाबाद (गुजरात) येथील प्रसिध्‍द युरोसर्जन डॉ.केतन शुक्‍ला व त्‍यांचे सहकारी त्‍यांचे अॅम्‍बुलन्‍स शिएटर व्‍हॅन व सर्व टिमसह शिर्डी येथे येवुन मोफत उपचार व शस्‍त्रक्रिया केल्‍या.

      श्री साईनाथ रुग्‍णालयातील जनरल सर्जन डॉ.राम नाईक व रुग्‍णालयातील भूलतज्ञ डॉ.मनिषा शिरसाठ, डॉ.महेंद्र तांबे, डॉ.गोविंद कलाटे, डॉ.कर्डील, डॉ.सुरवसे तसेच बाहेरुन आलेले सर्जन डॉ.दिपक नजन व भुलतज्ञ डॉ.पितांबरे यांनी विनामोबदला सेवा दिली. इतर स्‍टाफने त्‍यांना याकामी साहाय्य केले. सदर शस्‍त्रक्रियेसाठी खाजगी रुग्‍णालयात २५ ते ३० हजार रुपये खर्च येतो परंतु संस्‍थानच्‍या श्री साईनाथ रुग्‍णालयात ही सेवा मोफत देण्‍यात येवुन शिबीरातील रुग्‍णांना दोन वेळेचे जेवण व चहा मोफत देण्‍यात आल्‍याचे श्री.शिंदे यांनी सांगितले.

      मोफत किडनी स्‍टोन शस्‍त्रक्रिया शिबीर यशस्‍वी करण्‍यासाठी संस्‍थानचे अध्‍यक्ष डॉ.सुरेश हावरे, उपाध्‍यक्ष चंद्रशेखर कदम, विश्‍वस्‍त सर्वश्री सचिन तांबे, अॅड.मोहन जयकर, प्रताप भोसले, भाऊसाहेब वाकचौरे, बिपिनदादा कोल्‍हे, डॉ.राजेंद्र सिंग विश्‍वस्‍त तथा नगराध्‍यक्षा सौ.योगिताताई शेळके यांच्‍या मार्गदर्शनाखाली रुग्‍णालयाचे वैद्य‍कीय संचालक डॉ.विजय नरोडे, वैद्यकीय अधिक्षीका डॉ.मैथिली पितांबरे, वैद्यकीय अधिकारी, सहाय्यक अधिसेविका श्रीमती नजमा सय्यद व कर्मचा-यांनी विशेष परिश्रम घेतले. 

 

शिरडी –

          श्री साईबाबा संस्‍थान विश्‍वस्‍तव्‍यवस्‍था (शिर्डी) व शिर्डी पोलिस स्‍टेशन यांच्‍या संयुक्‍त विद्यमाने मंदिर परिसर पाकीटमारीनंतर आता दलाल (एजंट) मुक्‍त करण्‍याचा निर्णय आज पोलिस उपअधिक्षक डॉ.सागर पाटील, पोलिस निरीक्षक श्री.प्रताप इंगळे व संस्‍थानच्‍या सुरक्षा विभागाचे सुरक्षा  निरीक्षक यांचे बैठकीत घेण्‍यात आल्‍याचे संस्‍थानचे विश्‍वस्‍त सचिन तांबे यांनी सांगितले.

          मंदिर परिसर पाकीटमारीनंतर आता दलाल (एजंट) मुक्‍त करणेबाबत आज विश्‍वस्‍त श्री तांबे यांच्‍या पुढाकाराने आयोजित बैठकीस पोलिस उपअधिक्षक डॉ.सागर पाटील, शिर्डी पोलिस स्‍टेशनचे पोलिस निरीक्षक प्रताप इंगळे, संस्‍थानच्‍या सुरक्षा विभागाचे सुरक्षा निरीक्षक संजय पाटणी, भाऊसाहेब घेगडमल, संस्‍थानचे सिव्‍हील सुरक्षापथक, सुरक्षा एजन्‍सीचे प्रमुख व सुरक्षा विभागाचे कर्मचारी उपस्थित होते.

यावेळी बोलतांना श्री.तांबे म्‍हणाले, श्री साईबाबांच्‍या दर्शनासाठी देश-विदेशातून आलेल्‍या साईभक्‍तांना शिर्डीमध्‍ये येताच दलालांकडून खोटी माहिती देवून त्‍यांची दिशाभुल करुन फसवणूक करण्‍यात येते, त्‍यामुळे देशभरात चुकीचा संदेश जातो. यावर कडक कारवाई करणेबाबत संस्‍थान प्रशासन व पोलिस स्‍टेशन यांनी आजचे बैठकीत निर्णय घेतला आहे. काही दिवसापुर्वीच श्री साईबाबा संस्‍थान व शिर्डी पोलिस स्‍टेशन यांच्‍या सहकार्याने सुरु करण्‍यात आलेल्‍या सुरक्षा पथकामुळे मंदिर परिसरात होणारी पाकीटमारी बंद होण्‍यास मोठी मदत झाली आहे. या निर्णयाचे सर्वत्र स्‍वागत होत आहे. राज्‍य भरातील देवस्‍थानांच्‍या ठिकाणी राबविण्‍यात येणारा हा पहिलाच उपक्रम आहे. याच धर्तीवर आता दलाला (एजंट) पासून साईभक्‍तांना सुरक्षित करण्‍यासाठी श्री साईबाबा संस्‍थान व शिर्डी पोलिस स्‍टेशन यांच्‍या संयुक्‍त विद्यमाने मंदिर परिसरातील चावडी, व्‍दारकामाई आदि गर्दीच्‍या ठिकाणी सदरचे पथक दलालांवर लक्ष ठेवून त्‍यांचा बंदोबस्‍त करण्‍यासाठी प्रयत्‍नशील राहील.

यावेळी पोलिस अधिक्षक डॉ.सागर पाटील म्‍हणाले, श्री साईबाबा संस्‍थानमार्फत सुरु केलेल्‍या या उपक्रमास शिर्डी पोलिस स्‍टेशनचे नेहमीच सहकार्य राहील. शिर्डीमध्‍ये येणा-या साईभक्‍तांची कोणी फसवणूक करत असलेले आढळल्‍यास संबंधितांवर कडक कारवाई करण्‍यात येईल. श्री साईबाबा समाधी शताब्‍दी उत्‍सवाच्‍या वेळी सदर पथकात वाढ करुन या पथकाच्‍या कक्षा संस्‍थानच्‍या सर्व निवासस्‍थानांच्‍या ठिकाणी तसेच संस्‍थान मा‍लकीच्‍या सर्व ठिकाणांपर्यंत वाढविण्‍यात येतील.

 

 

श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या श्री साईप्रसादालयास मिळालेल्‍या आय.एस.ओ.२२०००-२००५ मानांकनाचे नुतनीकरण प्रमाणपत्र देणगीदार साईभक्‍त केशु मुर्ती यांच्‍या हस्‍ते संस्‍थानचे कार्यकारी अधिकारी बाजीराव शिंदे यांना सुपर्द करण्‍यात आले.

     श्री साई प्रसादालयातील सर्व सुविधामुळे साईभक्‍तांना विना प्रतिक्षा सर्व सोईयुक्‍त स्‍वच्‍छ वातावरणात स्‍वादिष्‍ट व रुचकर प्रसादभोजन मिळत आहे. त्‍यामुळे श्री साई प्रसादालयास दिनांक २०.१२.२०१६ रोजी पुढील ३ वर्षाकरीता ट्रान्‍सपॅसिफिक सर्टिफिकेशन लिमिटेड (TCL) ने ISO-२२०००-२००५ (Food Safety Management System) चे मानांकन दिलेले आहे. या मानांकनाचे दिनांक २० डिसेंबर २०१६ ते १९ डिसेंबर २०१७ या कालावधीसाठी नुतनीकरण करण्‍यात आले असून सदरचे आय.एस.ओ.मानांकन नुतनीकरण स्विकृती सोहळा आज साईप्रसादालयात पार पडला. या कार्यक्रमाचे अध्‍यक्षस्‍थानी संस्‍थानचे कार्यकारी अधिकारी बाजीराव शिंदे हे होते. तर प्रमुख उपस्थितांमध्‍ये देणगीदार केशु मुर्ती, संस्‍थानचे विश्‍वस्‍त तथा शिर्डी नगरपंचायत शिर्डीच्‍या नगराध्‍यक्ष सौ.योगिता शेळके, प्रशासकीय अधिकारी सर्वश्री सुर्यभान गमे, उत्‍तमराव गोंदकर व दिलीप उगले आदी उपस्थित होते. यावेळी संस्‍थानच्‍या  वतीने कार्यकारी अधिकारी बाजीराव शिंदे यांच्‍या हस्‍ते देणगीदार साईभक्‍त केशु मुर्ती यांचा सत्‍कार करण्‍यात आला.

     याप्रसंगी बोलतांना श्री.शिंदे म्‍हणाले, प्रसादालयातील कर्मचा-यांची मेहनत व कष्‍टामुळेच आय.एस.ओ.मानांकनचे नुतनीकरण झालेले आहे. श्री साईबाबा संस्‍थानच्‍या प्रसादालयामध्‍ये  दररोज सुमारे ४० ते ४५ हजार भाविक प्रसादाचा लाभ घेतात, संपुर्ण देशातील धार्मिक स्‍थळात आय.एस.ओ. मानांकन फक्‍त संस्‍थानच्‍या श्री साईप्रसादालयालाच मिळालेले आहे हि बाब भुषनावह अशी आहे. त्‍यामुळे संस्‍थानची जबाबदारीही वाढली आहे. श्री साईप्रसादालया प्रमाणे संस्‍थानच्‍या भक्‍तनिवासस्‍थानांही आय.एस.ओ. मानांकन मिळालेले आहे. त्‍याचप्रमाणे संस्‍थानच्‍या इतर विभागांनाही आय.एस.ओ.मानांकन मिळविण्‍याच्‍या दृष्‍टीने प्रयत्‍न करण्‍यात येणार असल्‍याचे ही श्री.शिंदे यांनी सांगितले.

यावेळी संस्‍थानच्‍या विश्‍वस्‍त तथा शिर्डी नगरपंचायत शिर्डीच्‍या नगराध्‍यक्ष सौ.योगिता शेळके व देणगीदार साईभक्‍त केशु मुर्ती यांना मनोगत व्‍यक्‍त केले. तर प्रसादालय प्र.प्रमुख विष्‍णु थोरात यांनी कार्यक्रमाचे प्रास्‍ताविक करुन उपस्थितांचे आभार मानले.

 

गुडगांव दिल्‍ली येथे दिनांक ०९ जानेवारी ते १३ जानेवारी २०१७ रोजी झालेल्‍या ऑल इंडीया टेनिस असोसिएशन सुपर सेरीज, डबल टेनिस स्‍पर्धेत १२ वर्षाखालील वयोगटात जैष्‍नव बाजीराव शिंदे यांने विजेतेपद पटकावले. त्‍यास वेस्‍ट बेंगालच्‍या अरुनव मुझूमदार याने साथ दिली. या जोडीने हरियाणाच्‍या वंश नानदल व रुशिल खोसला यांचा   ६-२, ३-६, १०-६ अशा सेटमध्‍ये पराभव केला.

        जैष्‍नव शिंदे याने यापुर्वी १० वर्षा खालील वयोगटात राज्‍यस्‍तरीय लॉन टेनिस स्‍पर्धेचे विजेतेपद पटकाविले आहे. तसेच अहमदाबाद येथे झालेल्‍या राष्‍ट्रीय डबल टेनिस स्‍पर्धेतही तो विजेता राहीला आहे. सध्‍या तो नाशिकच्‍या फ्रावशी अकॅडमीत सहावी इयत्‍तेत शिक्षण घेत असून 'निवेक' या संस्‍थेत टेनिसचे प्रशिक्षण घेत आहे. जैष्‍नव शिंदे हा श्री साईबाबा संस्‍थानचे कार्यकारी अधिकारी बाजीराव शिंदे यांचा मुलगा आहे.  

श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या चावडीतील श्री साईबाबांच्‍या फोटो फ्रेमसाठी साडे पाच किलो चांदीची फ्रेम शिर्डी येथील साईभक्‍त भाऊसाहेब भोसले यांनी देणगी स्‍वरुपात दिली आहे.

    श्री.भोसले यांनी आज आपल्‍या आई श्रीमती ताराबाई विश्‍वनाथ भोसले, पत्‍नी सौ.हेमलता भोसले, मुले ऋषीकेश, सागर, शुभम व कृष्‍णा यांच्‍या समवेत सुमारे ३ लाख रुपये किंमतीची साडे पाच किलो वजनाची चांदीची फ्रेम संस्‍थानचे विश्‍वस्‍त सचिन तांबे यांच्‍या हस्‍ते संस्‍थानला देणगी दिली.

    श्री.भोसले यांनी यापुर्वीही ६० ग्रॅम वजनाचे सोन्‍याचे ३ हार संस्‍थानला देणगी स्‍वरुपात दिलेले असून प्रसादालयातील मोफत अन्‍नदानासाठी रुपये ५१ हजार व श्री साईबाबा हॉस्पिटलच्‍या औषधांसाठी रुपये ५१ हजार देणगी दिलेली आहे. श्री.भोसले यांचा सामाजिक कार्यात नेहमीच पुढाकार असतो, दरवर्षी १७ ऑक्‍टोबरला गरीब महिलांना किराणा व साडी वाटपचा उपक्रम ते राबवत आहे.

 

 

                   Mr.Chadalawada Krishnamurthy, Chairamn of Tirumala Tirupati Devasthanams Trust board has felicitated by Mr.Bajirao Shinde, Executive Officer of Shri Saibaba Sansthan Trust (Shirdi) & Mr.Sachin Tambe, Trustee of Shri Saibaba Sansthan Trust (Shirdi)after taken Shri Saibaba Samadhi darshan in Shirdi

 

 

 

 

 

 

 

 

श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने नाताळ सुट्टी, चालू वर्षाला निरोप व नवीन वर्षाचे स्‍वागता निमित्‍त शिर्डी महोत्‍सवाचे आयोजन करण्‍यात आले असून या निमित्‍ताने ३१ डिसेंबर २०१६ रोजी विविध सांस्‍कृतिक व धार्मिक कार्यक्रमांचे आयोजन करण्‍यात आले असल्‍याची माहिती संस्‍थानचे अध्‍यक्ष डॉ.सुरेश हावरे यांनी दिली.

     डॉ.हावरे म्‍हणाले, दरवर्षी नाताळ सुट्टी, चालू वर्षाला निरोप व नवीन वर्षाचे स्‍वागता निमित्‍त श्रींच्‍या दर्शनासाठी शिर्डीत मोठ्या प्रमाणात भाविक येत असतात. येणा-या सर्व भाविकांना श्रींच्‍या समाधीच्‍या दर्शनाचा लाभ मिळावा व होणा-या गर्दीचे नियोजन योग्‍य रितीने व्‍हावे या उद्देशाने दिनांक ३१ डिसेंबर रोजी श्रींचे समाधी मंदिर दर्शनासाठी रात्रभर खुले ठेवण्‍यात येणार आहे तसेच या निमित्‍ताने ३१ डिसेंबर २०१६ रोजी सायं. ६.०० ते ७.३० या वेळेत अवघेज चंदन भारव्‍दाज, लखनऊ यांचा साई भजन संध्‍या कार्यक्रम, रात्रौ ७.३० ते ९.०० या वेळेत पारस जैन, शिर्डी यांचा साई भजन संध्‍या कार्यक्रम, रात्रौ ९.०० ते १०.०० या वेळेत अनिल कुमार, हुबळी यांचा एक शाम साई के नाम कार्यक्रम, रात्रौ १०.०० ते ११.०० या वेळेत श्रीमती पुनम खन्‍ना, दिल्‍ली यांचा साई भजन संध्‍या कार्यक्रम व रात्रौ ११.०० ते १२.३० या वेळेत सचिदानंद आप्‍पा, मुंबई यांचा एक शाम साई के नाम कार्यकम अशा विविध कार्यक्रमांचे आयोजन साईनगर मैदानावरील स्‍टेजवर करण्‍यात आलेले आहे.

     याकालावधीत पायी पालखीने येणा-या पदयात्रींची निवासाची व्‍यवस्‍था साईआश्रम २ मध्‍ये करण्‍यात येणार आहे. तसेच शनिवार दिनांक ३१ डिसेंबर २०१६ रोजी समाधी मंदिर दर्शनासाठी रात्रभर खुले राहणार असल्‍याने शेजारती व १ जानेवारी रोजी काकड आरती होणार नाही. मंदिर व परिसरात फटाके व वाद्य वाजविण्‍यास मनाई करण्‍यात आली असून सुरक्षिततेच्‍या दृष्‍टीने शिस्‍तीचे पालन करण्‍याचे आवाहनही डॉ.हावरे यांनी केले.

     हा महोत्‍सव यशस्‍वीरित्‍या पार पाडण्‍यासाठी संस्‍थानचे अध्‍यक्ष डॉ.सुरेश हावरे, उपाध्‍यक्ष चंद्रशेखर कदम, विश्‍वस्‍त सर्वश्री सचिन तांबे, अॅड.मोहन जयकर, प्रताप भोसले, भाऊसाहेब वाकचौरे, बिपिनदादा कोल्‍हे, डॉ.राजेंद्र सिंग, विश्‍वस्‍त तथा नगराध्‍यक्षा सौ.योगिताताई शेळके व कार्यकारी अधिकारी बाजीराव शिंदे यांच्‍या मार्गदर्शनाखाली संस्‍थानचे उपकार्यकारी अधिकारी डॉ.संदीप आहेर, सर्व प्रशासकीय अधिकारी, सर्व विभागांचे विभाग प्रमुख व सर्व कर्मचारी प्रयत्‍नशिल आहे.

 

भारताचे माजी गृहमंत्री, शिवराज पाटील चाकोरकर यांनी श्री साईबाबांच्‍या समाधीचे दर्शन घेतले. यावेळी विरोधी पक्षनेते राधाकृष्‍ण विखे पाटील व संस्‍थानचे उपकार्यकारी अधिकारी डॉ.संदीप आहेर आदी उपस्थित होते.

  

भारताचे माजी गृहमंत्री, शिवराज पाटील चाकोरकर यांनी श्री साईबाबांच्‍या समाधीचे दर्शन घेतले. याप्रसंगी त्‍यांचा सत्‍कार करताना विरोधी पक्षनेते राधाकृष्‍ण विखे पाटील.

 

महिंद्रा अॅण्‍ड महिंद्रा उद्योग समुहाचे अध्‍यक्ष व कार्यकारी संचालक आनंद महिंद्रा यांनी श्री साईबाबांच्‍या समाधीचे दर्शन घेतले. याप्रसंगी त्‍यांचा सत्‍कार करताना संस्‍थानचे विश्‍वस्‍त सर्वश्री बिपिनदादा कोल्‍हे, सचिन तांबे व मुख्‍यलेखाधिकारी बाबासाहेब घोरपडे.

President and Managing Director of Mahindra and Mahindra Aanand Mahindra had been to Shirdi to pay his obeisance to Shri Saibaba. Trustees of Shri Saibaba Sansthan Trust Bipindada Kolhe and Sachin Tambe felicitated him on this occasion

 

श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या वतीने राज्‍यातील ग्रामिण, दुर्गम भागातील गरजू रुग्‍णांना तात्‍काळ वैद्यकिय सेवा उपलब्‍ध करुन देण्‍यासाठी संस्‍थानचे अध्‍यक्ष डॉ.सुरेश हावरे व व्‍यवस्‍थापन समितीच्‍या सदस्‍यांच्‍या संकल्‍पनेतून सुरु करण्‍यात आलेल्‍या साई रुग्‍णवाहिका योजनेस २५ रुग्‍णवाहिका देणगी स्‍वरुपात देणार असल्‍याची घोषणा महिंद्रा अॅण्‍ड महिंद्रा उद्योग समुहाचे अध्‍यक्ष व कार्यकारी संचालक आनंद महिंद्रा यांनी केली.

     महिंद्रा अॅण्‍ड महिंद्रा उद्योग समुहाचे अध्‍यक्ष व कार्यकारी संचालक आनंद महिंद्रा यांनी श्री साईबाबांच्‍या समाधीचे दर्शन घेतले. याप्रसंगी संस्‍थानचे विश्‍वस्‍त सर्वश्री बिपिनदादा कोल्‍हे व सचिन तांबे यांनी त्‍याचे स्‍वागत करुन संस्‍थानच्‍या वतीने त्‍यांचा सत्‍कार केला. यावेळी संस्‍थानचे प्रभारी कार्यकारी अधिकारी कुंदनकुमार सोनवणे उपस्‍थि‍त होते.

     यावेळी संस्‍थानचे विश्‍वस्‍त बिपिनदादा कोल्‍हे व सचिन तांबे यांनी श्री.महिंद्रा यांना राज्यातील ग्रामीण व दुर्गम भागातील अधिकाधिक रुग्‍णांपर्यंत वैद्यकीय सेवा तातडीने पोहचविण्‍यासाठी संस्‍थानने सुरु केलेल्‍या रुग्‍णवाहिका प्रकल्‍पासाठी ५०० रुग्‍णवाहिका खरेदी कराव्‍या लागणार आहेत. याकरीता लागणारी ७५ टक्‍के रक्‍कम दानशूर देणगीदार साईभक्‍तांच्‍या देणगीमधून उपलब्‍ध करण्‍यात येणार असून उर्वरित २५ टक्‍के रक्‍क्‍म स्‍वयंसेवी संस्‍थांनी द्यावयाची आहे. या उपक्रमासाठी देणगी देताना देणगीदार साईभक्‍त आपल्‍या आईवडीलांच्‍या स्‍मृती, वाढदिवस आदी प्रित्‍यर्थ देणगी देवू शकतात अशी माहिती दिली असता श्री.महिंद्रा यांनी ग्रामिण व दुर्गंम भागातील गरजू रुग्‍णांना तात्‍काळ वैद्यकीय सेवा उपलब्‍ध करुन देण्‍यासाठी श्री साईबाबा संस्‍थानने सुरु केलेल्‍या या योजनेस त्‍यांच्‍या मातोश्रींच्‍या नावे १३ व पिताश्रींच्‍या नावे १२ अशा एकुण २५ रुग्‍णवाहिका देणगी स्‍वरुपात देणार असल्‍याची घोषणा केली.संस्‍थानचे मुख्‍यलेखाधिकारी बाबासाहेब घोरपडे याप्रसंगी उप‍स्थित होते.

In view to provide the medical facilities and services in the rural and remote areas of Maharashtra, Chairman of Shri Saibaba Sansthan Trust, Shirdi Dr. Suresh Haware and board of trustees have decided to provide the ambulances to Non Government Organizations (NGOs) under Sai Ambulance Scheme. Responding to this scheme, President and Managing Director of Mahindra and Mahindra business group Aanand Mahindra declared to give 25 ambulances by this group in the form of donation.

President and Managing Director of Mahindra and Mahindra business group Aananad Mahandra had been to Shirdi for Saibaba’s darshan. Trustees of Sansthan Bipindada Kolhe and Sachin Tambe welcomed him and felicitated on behalf of Shri Saibaba Sansthan Trust, Shirdi. In charge executive officer Kundankumar Sonwane was present.

           Trustees Kolhe and Tambe informed Aananad Mahindra that 500 ambulances are to be purchased to provide the medical facilities and services  for the needy patients in the rural and remote areas of Maharashtra. As per the scheme, 75 percent amount is will made available through philanthropist donors and 25 percent amount is to be deposited by NGOs willing to participate in this scheme. Donors can donate the amount on the eve of their or their parents, relatives birthdays or in the loving memories of the parents and relatives. Aananad Mahindra declared to donate 13 and 12 ambulances on the names of his mother and father respectively. Chief accountant of Sansthan Babasaheb Ghorpade was also present on the occasion.

 

 

श्री. दिवाकर रावते, मंत्री, परिवहन, खारभूमी विकास, महाराष्‍ट्र राज्‍य यांनी श्री साईबाबांच्या समाधीचे दर्शन घेतले. यावेळी संस्‍थानचे विश्‍वस्‍त सचिन तांबे व कार्यकारी अधिकारी कुंदनकुमार सोनवणे आदी उपस्थित होते.

 

श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या शैक्षणिक संकुलात वार्षीक स्‍नेहसंमेलन व पारितोषिक वितरण समारंभ प्रसंगी विद्यार्थ्‍यांना पारितोषिक वितरण करताना संस्‍थानचे विश्‍वस्‍त सर्वश्री भाऊसाहेब वाकचौरे, सचिन तांबे, प्रशासकीय अधिकारी सर्वश्री सुर्यभान गमे, दिलिप उगले व उत्‍तमराव गोंदकर. 

 

 

महामहीम राज्‍यपाल श्री.सी.विद्यासागर राव, महाराष्‍ट्र राज्‍य यांनी श्री साईबाबांच्या समाधीचे दर्शन घेतले. यावेळी संस्‍थानचे उपाध्यक्ष चंद्रशेखर कदम, विश्‍वस्‍त सर्वश्री भाऊसाहेब वाकचौरे, सचिन तांबे, जिल्‍हाधिकारी अनिल कवडे, कार्यकारी अधिकारी कुंदनकुमार सोनवणे व उपकार्यकारी अधिकारी डॉ.संदीप आहेर आदी उपस्थित होते.

 

महामहीम राज्‍यपाल श्री.सी.विद्यासागर राव, महाराष्‍ट्र राज्‍य यांचा सत्कार करताना संस्‍थानचे उपाध्यक्ष चंद्रशेखर कदम, विश्‍वस्‍त सर्वश्री भाऊसाहेब वाकचौरे, सचिन तांबे.

अभिनेता रितेश देशमुख यांनी श्री साईबाबांच्‍या समाधीचे दर्शन घेतले. यावेळी संस्‍थानचे विश्‍वस्‍त सचिन तांबे उपस्थित होते

जगभरातील मंदिरांच्‍या विश्‍वस्‍तांनी साईबाबांच्‍या कार्याचा प्रचार व प्रसार करण्‍यासाठी महत्‍वपुर्ण भुमिका बजावली असून या जगभरातील मंदिरांच्‍या विश्‍वस्‍तांचे मार्गदर्शन श्री साईबाबा समाधी शताब्‍दी महोत्‍सव २०१८ करीता घेण्‍यात येईल असे संस्‍थानचे अध्‍यक्ष डॉ.सुरेश हावरे यांनी सांगितले.

      श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने परदेशातील साई मंदिरांच्‍या  विश्‍वस्‍तांचे चर्चासत्र शिर्डी येथील हॉटेल सेंट लॉरेन्‍स येथे संपन्‍न झाले. यावेळी संस्‍थानचे अध्‍यक्ष डॉ.हावरे बोलत होते. याप्रसंगी संस्‍थानचे उपाध्‍यक्ष चंद्रशेखर कदम, विश्‍वस्‍त सर्वश्री सचिन तांबे, अॅड.मोहन जयकर, प्रताप भोसले, भाऊसाहेब वाकचौरे, बिपिनदादा कोल्‍हे, डॉ.चंद्रभानू सतपथी (गुरुजी), नारायणबाबा व जगभरातील साईमंदिरांचे विश्‍वस्‍त मोठ्या संख्‍येने उपस्थित होते. प्रारंभी कार्यकारी अधिकारी बाजीराव शिंदे यांनी स्‍वागत केले.

      या चर्चासत्रात जगभरातून ४३ साईमंदिरांचे विश्‍वस्‍त सहभागी झाले होते. या चर्चासत्रात ऑस्‍ट्रेलिया कॅनबेराच्‍या श्रीमती अनिथा कंदुकूरी, अमेरिका न्‍यु जर्सीचे राज व्‍यासभट्टु, नेदरलॅण्‍डचे डॉ.इ.बी.प्रेमदानी, श्रीलंका कोलंबोचे श्री.एस.यु.नायाहान, कॅनडा ओन्‍टारियोचे अनिल सिन्‍हा, मलेशिया सेलांगोरच्‍या उषा कृष्‍णन अय्यर, इंग्‍लंडच्‍या श्रीमती पुजा जैन, न्‍युझिलॅड ऑकलॅडचे अमर अल्‍लुरी, जर्मनी स्प्रिगनचे डॉ.रोशन मान्निश, ऑस्ट्रिया वेल्‍डनचे गेरहार्ड मैग स्‍टेस्‍सर व नेपाळ भक्‍तापूरच्‍या श्रीमती गौरीमैया मानान्‍धार आदी देशांतील साईमंदिरांचे विश्‍वस्‍तांनी आपले मनोगत व्‍यक्‍त करुन तेथील साईमंदिरांच्‍या सोयी-सुविधांची माहिती दिली.

      याप्रसंगी अध्‍यक्ष डॉ.सुरेश हावरे म्‍हणाले, अनेक साईभक्‍तांनी आपले संपुर्ण जीवन साईबाबांच्‍या प्रचार व प्रसारात वाहुन घेतले आहे. आपल्‍या सर्वांच्‍या अनुभवामुळे आम्‍हाला प्रेरणा व मार्गदर्शन मिळत आहे. संपुर्ण जगभरातील साईमंदिरांमध्‍ये साईबाबांची आरती, पुजा, अभिषेक, साईसत्‍यव्रत पुजा, साईसत्‍चरित पारायण, अन्‍नदान आदी कार्यक्रम एक सारखे व्‍हावेत अशी आमची अपेक्षा आहे. तसेच गुरुस्‍थान येथे असलेले निंबवृक्षाचे टिश्‍युकल्‍चर पध्‍दतीने रोपे तयार करुन इतर साई मंदिरांना देण्‍याचा विश्‍वस्‍त मंडळाचा मानस आहे. शिर्डी शहर स्‍वच्‍छ करण्‍याच्‍या दृष्‍टीने भव्‍य असा घनकचरा प्रकल्‍प उभारण्‍याची कार्यवाही विश्‍वस्‍त मंडळाने सुरु केली असून दिनांक १ जानेवारी २०१७ पासुन श्रीसाईप्रसादालयात सर्व साईभक्‍तांना मोफत प्रसादभोजन देणार असल्‍याचे सांगुन शताब्‍दी वर्षानिमित्‍त आयोजित केलेल्‍या विविध उपक्रमात सर्व मंदिरांनी सहभागी व्‍हावे असे आवाहनही डॉ.हावरे यांनी केले.

    या कार्यक्रमाचे प्रास्‍ताविक संस्‍थानचे विश्‍वस्‍त भाऊसाहेब वाकचौरे यांनी केले. तर उपस्थितांचे आभार विश्‍वस्‍त अॅड.मोहन जयकर यांनी मानले.

 

 

 

श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने सरु करण्‍यात आलेल्‍या बायोमेट्रीक आधारित मोफत दर्शन प्रवेशपत्र (टाइम स्‍लॉट) काऊंटरचे उदघाटन संस्‍थानचे अध्‍यक्ष डॉ.सुरेश हावरे व त्‍यांची सुविद्य पत्‍नी सौ.नलिनी हावरे यांच्‍या हस्‍ते करण्‍यात आले. यावेळी संस्‍थानचे उपाध्‍यक्ष चंद्रशेखर कदम, विश्‍वस्‍त सर्वश्री सचिन तांबे, अॅड.मोहन जयकर, प्रताप भोसले, भाऊसाहेब वाकचौरे, बिपिनदादा कोल्‍हे, कार्यकारी अधिकारी बाजीराव शिंदे, प्रशासकीय अधिकारी सर्वश्री सुर्यभान गमे, उत्‍तमराव गोंदकर, अशोक औटी, मे.त्रिलोक सेक्युरिटी सिस्‍टम इंडीया लि.,तिरुपतीचे चेअरमन श्री.रविचंद, माहिती व तंत्रज्ञान विभागाचे अनिल शिंदे व रमेश पुजारी आदी उपस्थित होते.  

 

 

 

श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने सरु करण्‍यात आलेल्‍या बायोमेट्रीक आधारित मोफत दर्शन प्रवेशपत्र (टाइम स्‍लॉट) काऊंटरचे उदघाटन संस्‍थानचे अध्‍यक्ष डॉ.सुरेश हावरे यांच्‍या हस्‍ते करण्‍यात आले.

     या कार्यक्रमाचे अध्‍यक्षस्‍थानी उपाध्‍यक्ष चंद्रशेखर कदम हे होते. यावेळी संस्‍थानचे विश्‍वस्‍त सर्वश्री सचिन तांबे, अॅड.मोहन जयकर, प्रताप भोसले, भाऊसाहेब वाकचौरे, बिपिनदादा कोल्‍हे, कार्यकारी अधिकारी बाजीराव शिंदे, प्रशासकीय अधिकारी सर्वश्री सुर्यभान गमे, उत्‍तमराव गोंदकर, अशोक औटी, मे.त्रिलोक सेक्युरिटी सिस्‍टम इंडीया लि.,तिरुपतीचे चेअरमन श्री.रविचंद, माहिती व तंत्रज्ञान विभागाचे अनिल शिंदे व रमेश पुजारी आदी उपस्थित होते.

यावेळी बोलताना संस्‍थानचे अध्‍यक्ष डॉ.सुरेश हावरे म्‍हणाले, आज सुरु करण्‍यात आलेल्‍या या बायोमेट्रीक आधारित मोफत दर्शन प्रवेशपत्र (टाइम स्‍लॉट) प्रणालीमुळे साईभक्‍तांना दर्शनरांगेत प्रतिक्षा करण्‍याची गरज भासणार नाही, यामुळे साईभक्‍तांच्‍या वेळेची बचत होवुन, त्‍याच्‍या बहुमुल्‍य वेळेचा उपयोग इतर कामांकरीता होईल. तसेच मंदिर परिसरात होणारी गर्दी कमी होण्‍यासही याप्रणालीमुळे फायदा होईल. भविष्‍यात  अशाप्रकारची सुविधा रेल्‍वे स्‍टेशन, बस स्‍थानक आदी ठिकाणी करण्‍याचा मानस असून आवश्‍यकता पडल्‍यास सदरची सुविधा ठिक-ठिकाणी मोबाईल व्‍हॅन व्‍दारे सुरु करण्‍यात येईल असे डॉ.हावरे यांनी सांगितले. आज नागपूर येथील साईभक्‍त शरद उदारामजी दातेराव यांनी प्रथम प्रवेशपत्र घेवून यासुविधेचा लाभ घेतला.

सदरची प्रणाली मे.त्रिलोक सेक्युरिटी सिस्‍टम इंडीया लि.,तिरुपती यांच्‍यामार्फत कार्यान्वित करण्‍यात आलेली आहे. याकामी जुने प्रसादालय येथे १० काऊंटर, साईआश्रम भक्‍तनिवास येथे ०२, व्‍दारावती भक्‍तनिवास येथे ०४ व साईधर्मशाळा येथे ०२ काऊंटर सुरु करण्‍यात आलेले आहे.      

 

 

श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने आयोजित करण्‍यात आलेल्‍या जागतिक साई मंदिर विश्‍वस्‍त परिषदेचे उदघाटन वित्‍त आणि नियोजन मंत्री सुधीर मुनगंटीवार यांच्‍या हस्‍ते दिप प्रज्‍वलनाने करण्‍यात आले. यावेळी जलसंपदा मंत्री गिरीष महाजन, विरोधी पक्ष नेते राधाकृष्‍ण विखे पाटील, संस्‍थानचे अध्‍यक्ष डॉ.सुरेश हावरे, खासदार सदाशिव लोखंडे, खासदार दिलीप गांधी, संस्‍थानचे उपाध्‍यक्ष चंद्रशेखर कदम, विश्वस्त सर्वश्री अॅड.मोहन जयकर, प्रताप भोसले, भाऊसाहेब वाकचौरे, बिपिनदादा कोल्‍हे, सचिन तांबे, सौ.अनिता जगताप व कार्यकारी अधिकारी बाजीराव शिंदे आदी उपस्थित होते.

 

 

श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने आयोजित करण्‍यात आलेल्‍या जागतिक साई मंदिर विश्‍वस्‍त परिषदेत श्री साईबाबा समाधी शताब्‍दी महोत्‍सव २०१८ च्‍या लोगोचे (बोधचिन्‍ह) अनावरण राज्‍याचे वित्‍त आणि नियोजन मंत्री सुधीर मुनगंटीवार यांच्‍या हस्‍ते करण्‍यात आले. यावेळी जलसंपदा मंत्री गिरीष महाजन, विरोधी पक्ष नेते राधाकृष्‍ण विखे पाटील, संस्‍थानचे अध्‍यक्ष डॉ.सुरेश हावरे, खासदार सदाशिव लोखंडे, खासदार दिलीप गांधी, संस्‍थानचे उपाध्‍यक्ष चंद्रशेखर कदम, विश्वस्त सर्वश्री अॅड.मोहन जयकर, प्रताप भोसले, भाऊसाहेब वाकचौरे, बिपिनदादा कोल्‍हे, सचिन तांबे, सौ.अनिता जगताप व कार्यकारी अधिकारी बाजीराव शिंदे आदी उपस्थित होते.

 

श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने आयोजित करण्‍यात आलेल्‍या जागतिक साई मंदिर विश्‍वस्‍त परिषदेचे उदघाटनप्रसंगी विचार व्‍यक्‍त करताना राज्‍याचे वित्‍त आणि नियोजन मंत्री सुधीर मुनगंटीवार.

 

श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने आयोजित करण्‍यात आलेल्‍या जागतिक साई मंदिर विश्‍वस्‍त परिषदेत सहभागी झालेल्‍या साईमंदिरांचे विश्‍वस्‍त.

 

शिरडी –

     श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने श्री साईबाबा समाधी शताब्‍दी महोत्‍सव २०१८ च्‍या नियोजनाकरीता दिनांक ११ डिसेंबर २०१६ रोजी आयोजित करण्‍यात आलेल्‍या जागतिक साई मंदिर विश्‍वस्‍त परिषदेसाठी देशातील १ हजार ११० व परदेशातील ४३ साईमंदिरांनी नोंदणी केली असल्‍याची माहिती संस्‍थानचे अध्‍यक्ष डॉ.सुरेश हावरे यांनी दिली. 

     डॉ.हावरे म्‍हणाले, श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने श्री साईबाबा समाधी शताब्‍दी महोत्‍सव २०१८ च्‍या नियोजनाकरीता दिनांक ११ डिसेंबर २०१६ रोजी आयोजित करण्‍यात आलेल्‍या जागतिक साई मंदिर विश्‍वस्‍त परिषदेकरीता देशातील आंध्रप्रेदश या राज्‍यातून ३५४, महाराष्‍ट्र १४९, तामिळनाडू १३९, कर्नाटक ९८, ओडीसा ७०, उत्‍तरप्रदेश ४३, तेलंगणा ३६, मध्‍यप्रदेश २९, गोवा २६, गुजरात १७, दिल्‍ली १६, पंजाब १४, झारखंड १३, बिहार १२, राजस्‍थान १२, हरियाणा १०, पश्चिम बंगाल ९, उत्‍तराखंड ८, छत्‍तीसगढ ८, आसाम ५, हिमाचल प्रदेश ४, केरळ ३, अंदमान १, पुडुचेरी १, त्रिपुरा १ व इतर ३२ अशा १ हजार ११० साईमंदिरांच्‍या विश्‍वस्‍तांनी नोंदणी केलेली आहे. तसेच परदेशातुन अमेरीका, ऑस्‍ट्रेलिया, कॅनडा, जर्मनी, न्‍युझीलॅड, यु.के., नेंदरलॅड, मलेशिया, श्रीलंका, हॉग-कॉग, नेपाळ आदी देशांमधून ४३ साईमंदिरांचे विश्‍वस्‍त जागतिक साई मंदिर विश्‍वस्‍त परिषदेत सहभागी होण्‍यासाठी उपस्थित राहणार असल्‍याचेही डॉ.हावरे यांनी सांगितले.

साई मंदिर विश्‍वस्‍त परिषदेस उपस्थित राहणा-या मान्‍यवरांच्‍या स्‍वागतासाठी श्री साईबाबा संस्‍थान सज्‍ज झाले असून येणा-या सर्व मान्‍यवरांची निवास व भोजन व्‍यवस्‍था साईआश्रम भक्‍तनिवास येथे करण्‍यात आली असून सर्व मान्‍यवरांची दर्शन व्‍यवस्‍था दिनांक ११ डिसेंबर रोजी सायंकाळी ०५.०० वाजेनंतर करण्‍यात येणार आहे. विश्‍वस्‍त परिषदेत सहभागी होणा-या मान्‍यवरांना काही अडी-अडचणी असल्‍यास त्‍यांनी मुख्‍य नियंत्रण कक्षाशी ७७२००७७२४९ या क्रमांकावर संपर्क करावा असे आवाहन संस्‍थानचे कार्यकारी अधिकारी श्री.बाजीराव शिंदे यांनी केले. 

 

शिरडी –

          श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने श्री साईबाबा समाधी शताब्‍दी महोत्‍सव २०१८ च्‍या नियोजनाकरीता दिनांक ११ डिसेंबर २०१६ रोजी आयोजित करण्‍यात आलेल्‍या देशातील व परदेशातील साईमंदिरांच्‍या विश्‍वस्‍तांच्‍या परिषदेचे उदघाटन राज्‍याचे वित्‍त आणि नियोजन, वने, मंत्री सुधीर मुनगंटीवार यांचे अध्‍यक्षतेखाली होणार असल्‍याची माहिती संस्‍थानचे अध्‍यक्ष डॉ.सुरेश हावरे यांनी दिली.

          डॉ.हावरे म्‍हणाले, श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या वतीने श्री साईबाबा समाधी शताब्‍दी महोत्‍सव दिनांक ०१ ऑक्‍टोंबर २०१७ ते दिनांक १८ ऑक्‍टोंबर २०१८ या काळात साजरा करण्‍यात येणार आहे. या समाधी शताब्‍दी महोत्‍सवाच्‍या नियोजनाकरीता देशातील व परदेशातील साईमंदिरांच्‍या विश्‍वस्‍तांच्‍या परिषदेचे आयोजन करण्‍यात आले असुन या परिषदेचे उदघाटन दिनांक ११ डिसेंबर रोजी सकाळी १० वाजता राज्‍याचे वित्‍त आणि नियोजन, वने, मंत्री सुधीर मुनगंटीवार याच्‍या अध्‍यक्षतेखाली होणार असून प्रमुख उपस्थितामध्‍ये जलसंपदा आणि वैद्यकीय शिक्षण मंत्री गिरीष महाजन, पालकमंत्री प्रा.राम‍ शिंदे, विरोधी पक्ष नेते राधाकृष्‍ण विखे पाटील व खासदार सदाशिव लोखंडे यांचा समावेश आहे.

सदर परिषदचे आयोजन चार सत्रात केले असून पहिल्‍या सत्रात उदघाटन समारंभ, दस-या सत्रात विविध मंदिरांचे विश्‍वस्‍त श्री साईबाबा समाधी शताब्‍दी महोत्‍सवाकरीता आपल्‍या संकल्‍पना व्‍यक्‍त करतील, तिस-या सत्रात श्री साईबाबांच्‍या कार्याचा प्रचार व प्रसाराबाबत चर्चा होईल तर चौथ्‍या सत्रात सांगता समारोह कार्यक्रम होईल. सदरचा कार्यक्रम साईआश्रम भक्‍तनिवास, नगर-मनमाड रोड येथे आयोजित करण्‍यात आलेला असून या परिषदेसाठी मोठया संख्‍येने देशातील व परदेशातील साई मंदिरांचे मान्‍यवर विश्‍वस्‍त येणार आहेत. यासाठी साईआश्रम येथे सुमारे २१ हजार ६०० चौ.फुट आकारमानाचा डोम शामियाना मंडप उभारण्‍यात आला असून यामंडपामध्‍ये सुमारे  ०२ हजार ५०० मान्‍यवरांची बैठक व्‍यवस्‍था करण्‍यात आली आहे. तसेच मंडपामध्‍ये एल.ई.डी.स्‍क्रीन बसविण्‍यात आल्‍या आहेत. विश्‍वस्‍त परिषदेसाठी येणा-या मान्‍यवरांच्‍या भोजन व्‍यवस्‍थेसाठी सुमारे १४ हजार ४०० चौ.फुट मंडप उभारण्‍यात आलेला आहे. कार्यक्रमाच्‍या ठिकाणी संस्‍थान प्रकाशित पुस्‍तके, फोटो व सिडी विक्रीसाठी ठेवण्‍यात आलेले आहे. येणा-या मान्‍यवरांना लाडू प्रसाद मिळावा म्‍हणुन सकाळी ६ ते रात्रौ १० यावेळेत लाडु प्रसाद विक्री काऊंटरची व्‍यवस्‍था करण्‍यात आलेली आहे. तसेच मान्‍यवरांना साईआश्रम पासून, निवासस्‍थाने, श्री साईप्रसादालय, साई मंदिर व रेल्‍वे स्‍टेशन आदि ठिकाणी जाणे-येणेकामी बसेसची व्‍यवस्‍था संस्‍थानच्‍या वतीने करण्‍यात आलेली आहे. 

कार्यक्रमाच्‍या ठिकाणी समन्‍वयाकरिता एक मुख्‍य नियंत्रण कक्ष उभारण्‍यात आलेला असून आपत्‍ती व्‍यवस्‍थापन कक्षाव्‍दारे या ठिकाणी अग्निरोधक यंत्रणाही बसवण्‍यात आलेली आहे. या‍ठिकाणी प्रथमोपचार केंद्र उभारण्‍यात आले असून तेथे वैद्यकीय पथक उपलब्‍ध असणार आहे. कार्यक्रमाचे ठिकाणी दिनांक ११ डिसेंबर रोजी सकाळी ८.३० ते १०.०० यावेळेत गायक श्री.पारस जैन शिर्डी, सायंकाळी ०७.०० ते ०८.०० यावेळेत गायक श्री.शैलेंद्र भारती मुंबई व रात्रौ ०८.०० ते १०.०० यावेळेत गायक श्री.अनुप जलोटा मुंबई यांचा भजनसंध्‍येचा कार्यक्रम होणार आहे.

संस्‍थानच्‍या वतीने येणा-या मान्‍यवरांची निवास, चहा-नाष्‍टा व प्रसाद भोजनाची व्‍यवस्‍था करण्‍यात येणार आहे. तसेच या परिषदेत सहभागी होणा-या साई मंदिरांच्‍या विश्‍वस्‍तांना/प्रतिनिधींना बुंदी प्रसाद पॅकेट, उदी व सन्‍मानचिन्‍ह संस्‍थानच्‍या वतीने देण्‍यात येणार असल्‍याचेही संस्‍थानचे अध्‍यक्ष डॉ.सुरेश हावरे यांनी सांगितले.

सदर परिषद यशस्‍वीरित्‍या पारपाडण्‍यासाठी संस्‍थानचे अध्‍यक्ष डॉ.सुरेश हावरे, उपाध्‍यक्ष चंद्रशेखर कदम, सर्व विश्‍वस्‍त व कार्यकारी अधिकारी बाजीराव शिंदे यांच्‍या मागर्दशनाखाली उपकार्यकारी अधिकारी डॉ.संदीप आहेर, सर्व प्रशासकीय अधिकारी, सर्व अधिक्षक, विभाग प्रमुख व कर्मचारी प्रयत्‍नशिल आहे.

 

शिरडी –

            श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या वतीने श्री साईबाबा समाधी शताब्‍दी महोत्‍सव वर्षाच्‍या नियोजनाकरीता देशातील व परदेशातील साईमंदिरांच्‍या विश्‍वस्‍तांची जागतिक परिषद रविवार दिनांक ११ डिसेंबर २०१६ रोजी आयोजित करण्‍यात आली असून जास्‍तीत जास्‍त साईमंदिरांच्‍या प्रतिनिधींनी या परिषदेत सहभागी व्‍हावे, असे आवाहन संस्‍थानचे अध्‍यक्ष डॉ.सुरेश हावरे यांनी केले.

            श्री.हावरे म्‍हणाले, श्री साईबाबा संस्‍थान विश्‍वस्‍तव्‍यवस्‍था (शिर्डी) च्‍या वतीने श्री साईबाबा समाधी शताब्‍दी महोत्‍सव दिनांक ०१ ऑक्‍टोंबर २०१७ ते दिनांक १८ ऑक्‍टोंबर २०१८ या काळात साजरा करण्‍यात येणार आहे. या समाधी शताब्‍दी  महोत्‍सवाच्‍या नियोजनाकरीता तसेच जगभरातील सर्व साईमंदिरात सुरु असलेल्‍या साईबाबांच्‍या कार्याचा प्रचार व प्रसारामध्‍ये  एकसुत्रता आण्‍यासाठी देशातील व परदेशातील साई मंदिरांच्‍या प्रतिनिधींची परिषद रविवार दिनांक ११ डिसेंबर २०१६ रोजी सकाळी १०.०० ते दुपारी ०१.३० आणि दुपारी २.३० ते सायं.५.३० अशा दोन सत्रात साईआश्रम भक्‍तनिवासस्‍थान, नगर-मनमाड रोड येथे आयोजित करण्‍यात आलेली आहे. सदर परिषदेत एका मंदिराच्‍या फक्‍त २ प्रतिनिधींनाच सहभागी होता येईल. सहभागी होणा-या मंदिरांच्‍या प्रतिनिधींची श्री साई दर्शन, मोफत निवास व भोजन व्‍यवस्‍था करण्‍यात येईल. साईमंदिरांच्‍या प्रतिनिधींना आपला सहभाग निश्चित करण्‍यासाठी www.sai.org.in या संकेत स्‍थळावरुन अर्ज डाऊनलोड करुन अर्ज कार्यकारी अधिकारी, श्री साईबाबा संस्‍थान विश्‍वस्‍तव्‍यवस्‍था, शिर्डी, ता.राहाता, जि.अहमदनगर या पत्‍त्‍यावर किंवा अर्ज स्‍कॅन करुन saitemplesummit@sai.org.in या ई-मेल पत्‍त्‍यावर पाठवावा.

            साईमंदिरांच्‍या प्रतिनिधींच्‍या परिषदेमध्‍ये सायं. ८ ते १० या वेळेत साईभजन संध्‍या कार्यक्रमाचे आयोजन करण्‍यात आले असल्‍याचे सांगून श्री साईबाबा समाधी शताब्‍दी महोत्‍सव अधिक भव्‍य साजरा व्‍हावा म्‍हणून जास्‍तीत-जास्‍त साईमंदिराच्‍या  प्रतिनिधींनी साईमंदिरांच्‍या जा‍गतिक परिषदेत सहभागी व्‍हावे, असे आवाहनही श्री.हावरे यांनी केले.   

मा.अध्‍यक्ष डॉ.सुरेश हावरे व मा.विश्‍वस्‍त मंडळाने घेतलेले महत्‍वपूर्ण निर्णय खालील प्रमाणे 

शताब्‍दी वर्षात मोफत प्रसाद भोजन योजना

          श्री साईबाबांनी सुरु केलेले अन्‍नदानाचे कार्य श्री साईबाबा संस्‍थानने अविरतपणे सुरु ठेवले आहे. दिवसेंदिवस श्रींच्‍या  दर्शनासाठी देश-विदेशातून येणा-या भक्‍तांची संख्‍या वाढत आहे. येणा-या भक्‍तांना प्रसादभोजनाचा सुलभतेने लाभ घेता यावा यासाठी संस्‍थानने निमगांव-को-हाळे हद्दीतील संस्‍थान मालकीच्‍या ७ एकर जागेमध्‍ये भव्‍य असे प्रसादालय उभारले आहे. सन २०१८ ला श्री साईबाबांच्‍या समाधीला शंभर वर्ष पूर्ण होत असून दिनांक ०१ ऑक्‍टोंबर २०१७ ते दिनांक १८ ऑक्‍टोंबर २०१८ हे वर्ष श्री साईबाबा समाधी शताब्‍दी महोत्‍सव वर्ष म्‍हणून साजरे करण्‍यात येणार आहे. याकाळात श्रींच्‍या समाधीच्‍या दर्शनसाठी येणा-या साईभक्‍तांना संस्‍थानच्‍या वतीने विविध सुविधा पुरविण्‍याबरोबरच प्रसादभोजनाची व्‍यवस्‍था संपुर्ण वर्षभर मोफत पुरविण्‍याबाबतचा निर्णय व्‍यवस्‍थापन समितीने घेतला. त्‍यानुसार दानशूर साईभक्‍तांनी आपल्‍या इच्‍छेनुसार आपले व आप्‍तेष्‍टांचे वाढदिवस किंवा पुर्वजांच्‍या स्‍मृतीप्रित्‍यर्थ अथवा अन्‍य कारणास्‍तव संस्‍थानकडे मोफत प्रसादभोजन व्‍यवस्‍थेकामी रक्‍कम जमा केल्‍यास श्री साईबाबांना नैवेद्य अर्पण करुन साईभक्‍तांना प्रसादालयात मोफत प्रसादभोजन देण्‍याची व्‍यवस्‍था करण्‍यात येईल. याकरीता श्रीरामनवमी, श्रीगुरुपौर्णिमा व श्रीपुण्‍यतिथी या उत्‍सवकाळात रुपये ८ लाख, वर्षातील इतर दिवसांसाठी रुपये ४ लाख व साईभक्‍तांचे इच्‍छेने रुपये ५० हजार पासून पुढील रक्‍कम तसेच एकाच भक्‍ताकडुन अथवा त्‍यापेक्षा अधिक साईभक्‍तांकडूनही एकत्रितपणे देणगी मोफत प्रसादभोजन योजनेअंतर्गत प्रति दिवसासाठी स्विकारली जाईल.       

या योजनेस उत्‍तम प्रतिसाद मिळत असून बेंगलोर येथील दानशूर साईभक्‍त श्री.के.व्‍ही.रमणी यांनी शिर्डी साई ट्रस्‍टच्‍या माध्‍यमातून शताब्‍दी वर्षातील सर्व उत्‍सवांसाठी रुपये २६ लाख, भोपाळ येथील श्री.मिथेश राठी यांनी रुपये ५ लाख व करुर येथील श्री.एन.अंगमथ्‍यु यांनी रुपये ४ लाख असे एकूण ३५ लाख रुपये मोफत अन्‍नदान योजनेसाठी देणगी दिलेली आहे.

साई अॅम्ब्‍युलन्‍स योजना

            श्री साईबाबांनी त्‍यांच्‍या ह्यातीत अनेक रुग्‍णांची सेवा सुश्रुषा करुन त्‍यांच्‍या व्‍याधी ब-या केल्‍या आहेत. श्री साईबाबांनी केलेले हे रुग्‍णसेवेचे कार्य संस्‍थानच्‍या विश्‍वस्‍त मंडळाने अविरतपणे सुरु ठेवले आहे. आजमितीस शिर्डीत श्री साईबाबा हॉस्पिटल व श्री साईनाथ रुग्‍णालयामार्फत रुग्‍णांना ही सेवा उपलब्‍ध करुन देण्‍यात येत आहे. तथापि, राज्यातील ग्रामीण व दुर्गम भागातील अधिकाधिक रुग्‍णांपर्यंत वैद्यकीय सेवा तातडीने पोहचविण्‍यासाठी श्री साईबाबा संस्‍थान विश्‍वस्‍तव्‍यवस्‍था शिर्डी व दानशूर साईभक्‍त यांच्‍या संयुक्‍त विद्यमाने राज्‍याच्‍या विविध भागातील स्‍वयंसेवी संस्‍थांना रुग्‍णवाहिका उपलब्‍ध करुन देण्‍याचा उपक्रम सुरु करण्‍यासाठी ५०० रुग्‍णवाहिका खरेदी कराव्‍या लागणार आहे. एका रुग्‍णवाहिकेसाठी साधारणपणे ५ लाख रुपये खर्च अपेक्षित असून या रुग्‍णवाहिका खरेदीसाठी रुग्‍णवाहिका प्रकल्‍प राबविणा-या NGO ने २५ टक्‍के व उर्वरित ७५ टक्‍के रक्‍कम देणगीदार साईभक्‍तांच्‍या देणगीतून उपलब्‍ध करावयाची आहे. या उपक्रमासाठी देणगी देताना देणगीदार साईभक्‍त आपल्‍या आईवडीलांच्‍या स्‍मृती, वाढदिवस आदी प्रित्‍यर्थ देणगी देवू शकतात. देणगी देणा-या देणगीदार साईभक्‍तांचे नाव श्री साईबाबा संस्‍थानच्‍या नावाबरोबर रुग्‍ण्‍वाहिकेवर टाकण्‍यात येईल. या सर्व रुग्‍णवाहिका साई अॅम्‍ब्‍युलन्‍स नावाने महाराष्‍ट्रभर चालतील व त्‍यांचे संचालन NGO च्‍या मार्फत होईल.

मोफत डायलेसीस सुविधा

संस्‍थानचे श्री साईबाबा हॉस्पिटल या सुपरस्‍पेशालिटी दर्जाच्‍या हॉस्पिटलमध्‍ये सध्‍या ३०० खाटांची सुसज्‍ज व्‍यवस्‍था  आहे. श्रीसाईबाबा हॉस्पिटलमार्फत गरीब व गरजू रुग्‍णांवर अतिशय अल्‍पदरात उपचार केले जातात. तसेच राजीव गांधी योजनेअंतर्गतही रुग्‍णांवर मोफत उपचार केले जातात. रुग्‍णालयात दाखल झालेल्‍या रुग्‍णांना संस्‍थानच्‍या वतीने चहा व भोजन ही मोफत दिले जाते.

श्री साईबाबा हॉस्पिटलच्‍या वतीने किडनी आजाराच्‍या रुग्‍णांकरीता डायलेसीस सुविधा मोफत पुरविण्‍यात येत आहे. गेल्‍या १० वर्षात हॉस्पिटलच्‍या बाह्यरुग्‍ण विभागात ९ लाखाहून अधिक तर अंर्तरुग्‍ण विभागात १ लाख ५० हजाराहून अधिक रुग्‍णांनी विविध आजारांवर उपचार घेतले आहे. त्‍यातील २० हजाराहून अधिक वेळा गरजू रुग्‍णांनी डायलेसीस सुविधेचा लाभ घेतला आहे. याकामी हॉस्पिटलमध्‍ये आजतागायत ४ डायलेसिस उपकरणे उपलब्‍ध असून अधिक ४ डायलेसिस उपकरणे घेण्‍याचा संस्थानचा प्रस्‍ताव आहे.

सेवेकरी उपक्रम

            श्री क्षेत्र गजानन महाराज देवस्‍थान शेगावच्‍या धर्तीवर सेवेकरी उपक्रम राबविण्‍याबाबत निर्णय घेण्‍यात आला आहे. संस्‍थानमध्‍ये श्री साईबाबा हॉस्पिटल, श्री साईप्रसादालय, भक्‍तनिवासस्‍थाने, आरोग्‍य विभाग, संरक्षण विभाग इ. विविध विभाग कार्यरत आहेत. या विभागांच्‍या माध्‍यामातुन श्री साईबाबांच्‍या समाधीच्‍या दर्शनासाठी येणा-या साईभक्‍तांना विविध सेवा पुरविल्‍या  जातात. ज्‍यांना सेवेकरी म्‍हणून सेवा करण्‍याची इच्‍छा असेल अशा साईभक्‍तांनी आपले नाव, वय-पत्‍ता, शैक्षणिक पात्रता, अनुभव, मेडीकल फिटनेस आदींसह कार्यालयीन कामाच्‍या दिवशी सकाळी ११ ते संध्‍याकाळी ५ या वेळेत संस्‍थानच्‍या कामगार विभागाशी संपर्क साधावा. तसेच अधिक माहितीसाठी (०२४२३) २५८५००, २५८८१० या दूरध्‍वनीवर संपर्क करावा.

            तसेच श्री साईबाबा हॉस्पिटल व श्री साईनाथ रुग्‍णालयात दरवर्षी सुमारे ५ लाखांपेक्षा अधिक गरीब व गरजू रुग्‍ण अतिशय अल्‍पदरात विविध आजारांवर उपचारांचा लाभ घेतात. तथापि, अधिकाधिक रुग्‍णांपर्यंत हा लाभ पोहचावा व शिर्डी हे उत्‍कृष्‍ठ व विश्‍वसनिय रुग्‍णसेवेचे विश्‍वकेंद्र बनावे हा स्‍पष्‍ट उद्देश डोळ्यांसमोर ठेवून नवनियुक्‍त विश्‍वस्‍तमंडळाने भारतातील तसेच परदेशातील नामवंत डॉक्‍टरांना शिर्डी येथील रुग्‍णालयांमध्‍ये साईसेवेची संधी उपलब्‍ध करुन देण्‍याच्‍या दृष्‍टीने निर्णय घेतला आहे. ज्‍या सेवाभावी डॉक्‍टरांना कुठलेही मानधन न घेता रुग्‍णांना वैद्यकीय सेवा पुरवून श्रीसाईनाथांचा वारसा पुढे चालविण्‍यात तसेच संस्‍थानचे कार्यात हातभार लावावयाचा आहे अशा डॉक्‍टरांनी सविस्‍तर माहितीसह कार्यकारी अधिकारी, श्री साईबाबा संस्‍थान विश्‍वस्‍तव्‍यवस्‍था, शिर्डी पिन.नं.४२३ १०९, ता.राहाता, जिल्‍हा.अहमदनगर, महाराष्‍ट्र या पत्‍त्‍यावर तसेच (०२४२३) २५८६००, २५८५०० या दुरध्‍वनीवर आणि ई-मेल saibaba@sai.org, hospital.hr@sai.org.in वर संपर्क साधवा असे आवाहन ही करण्‍यात आले आहे.

बाल-माता, वृद्ध, दिव्यांग आणि रुग्‍णांना मोफत व सुलभ दर्शन व्‍यवस्‍था  

एक वर्ष वयाच्‍या आतील मुलांच्‍या माता, ज्येष्ठ नागरिकांसाठी, रुग्ण आणि दिव्यांग व्यक्तींसाठी त्यांच्या कुटुंबीयांसह थेट दर्शनाची व्यवस्था केली आहे. दर्शनरांगेत लोकांना बराच वेळ ताटकळत उभे राहावे लागते, त्यांच्या आरोग्याचीदेखील काळजी व्‍हायला हवी, म्हणून दर्शन रांगेत एक डॉक्टर आणि काही औषधांची व्यवस्था करण्याचा निर्णय घेतला आहे. दर्शन हॉल मध्‍ये भरपूर प्रकाश येईल, हवा खेळती राहील, याचा विचार करून खिडक्या बदलणे, अधिक पंखे लावणे आणि भक्तांना आरामदायक वाटावे, यासाठी हॉल वातानुकूलित करणे तसेच पिण्याच्या पाण्यासाठी 'आरओ वॉटर प्युरिफायर प्लान्ट तेथे उभारण्याचा निर्णय घेतला आहे. लवकरच भक्तांना शुद्ध पाण्याचे वाटप करण्यात येईल. दर्शन रांगेतून दर्शनासाठी येणा-या साईभक्‍तांना चहा, कॉफी, दूध, बिस्किटे मोफत दिले जात आहेत.

विना शिफारस व्हीआयपी दर्शन पास सुविधा

व्हीआयपी दर्शन पास अशी एक व्यवस्था तिथे आहे, आधीपासूनच ती व्यवस्था तिथे अस्तित्वात होती, परंतु हा दर्शनाचा पास ज्यांच्याकडे आमदार, खासदार, मंत्री यांची शिफारस असेल त्यांनाच मिळत असे. तसेच बरेच लोक याचा गैरफायदा घेत असल्याचेही माझ्या लक्षात आले. त्यामुळे भक्त आणि बाबा किंवा भगवंताचे दर्शन घेण्यासाठी तिसर्‍याची किंवा शिफारशीची काय गरज आहे, असा विचार करून आम्ही ती पद्धत बंद केली. आता तिथे मागेल त्याला दर्शन पास देण्‍यात येत आहे.  तसेच ऑनलाईन दर्शन पास तात्‍काळ देण्याचीही व्यवस्था सुरू केली आहे.

मंदिरात येणार्‍या, दर्शनरांगेत उभ्या राहणार्‍या भक्तांचे स्वागत

श्री साईबाबांच्‍या दर्शनासाठी आलेल्‍या प्रत्‍येक साईभक्तांचं स्वागत गंधाचा टिळा लावून करण्‍याचा निर्णय व्‍यवस्‍थापन समितीने घेतला असून त्‍याप्रमाणे श्री साईबाबांच्‍या दर्शनासाठी येणा-या सर्व साईभक्‍तांचे स्‍वागत त्‍यांच्‍या कपाळावर गंध लावून करण्‍यात येत आहे.

श्री साईबाबा समाधी शताब्‍दी वर्षात सांस्‍कृतिक, भजन, प्रवचन, प्रबोधनपर व्‍याख्‍यान व कीर्तन कार्यक्रमांचे आयोजन

श्री साईबाबा समाधी शताब्‍दी महोत्‍सव दिनांक ०१ ऑक्‍टोंबर २०१७ ते दिनांक १८ ऑक्‍टोंबर २०१८ या काळात साजरा करण्‍यात येणार असून या शताब्‍दी महोत्‍सवाची तयारी सुरु झाली आहे. त्‍यानुसार मंदिर परिसरात भक्‍तीमय वातावरण रहावे म्‍हणून दररोज साईमंदिराच्‍या उत्‍तरेला जुन्‍या सरंजाम बागेत दुपारी ४ ते सायं.६ व रात्रौ ७.३० ते १० यावेळेत सांस्‍कृतिक, भजन, प्रवचन, प्रबोधनपर व्‍याख्‍यान व कीर्तन कार्यक्रमांचे आयोजन करण्‍यात येत असून या कार्यक्रमात सहभागी होण्‍याकरीता इच्‍छुक कलाकारांनी कार्यकारी अधिकारी, श्री साईबाबा संस्‍थान विश्‍वस्तव्‍यवस्‍था, शिर्डी ता.राहाता, जिल्‍हा.अहमदनगर या पत्‍यावर तसेच मंदिर विभागाचे सुधांशु लोकेगांवकर मो. ८२७५४६४४५६ व गुरुप्रसाद कापरे मो.९०११००९०११ यांचेशी किंवा (०२४२३)२५८७११, २५८७१३ या दुरध्‍वनी क्रमांकावर तसेच saibaba@sai.org.in, temple@sai.org.in या ई-मेल पत्‍यावर संपर्क साधावा, असे आवाहनही करण्‍यात आले आहे.

श्री साईबाबा समाधी शताब्‍दी सोहळ्याकरीता देणगी

          सन २०१८ मध्‍ये श्री साईबाबांच्‍या समाधीला शंभर वर्ष पुर्ण होत असून श्रीपुण्‍यतिथी उत्‍सव २०१७ ते श्री पुण्‍यतिथी उत्‍सव २०१८ या एक वर्षाच्‍या कालावधीत श्री साईबाबा संस्‍थान विश्‍वस्‍तव्‍यवस्‍था, शिर्डीच्‍या वतीने श्री साईबाबा समाधी शताब्‍दी सोहळा २०१८ साली साजरा करण्‍यात येणार आहे. यानिमित्‍ताने संस्‍थानमार्फत विविध धार्मिक, सांस्‍कृतिक कार्यक्रमांचे नियोजन करण्‍यात येणार आहे. तसेच या शताब्‍दी सोहळ्यानिमित्‍त होणा-या गर्दीमध्‍ये भक्‍तांसाठी विविध सोयी सुविधा निर्माण करणे, शिर्डी शहरामध्‍ये पायाभूत सुविधामध्‍ये सुधारणा करणे, वाहनतळे, निवाराशेड, भक्‍तनिवास, प्रसादालय, मंदिर परिसर आदि ठिकाणी विविध सुधारणा करणेसाठी तसेच अन्‍य नियोजन करण्‍यासाठी मोठया प्रमाणात आर्थिक खर्च होणार आहे. तसेच साईभक्‍तांकडून सुध्‍दा या सोहळ्यानिमित्‍त मोठया प्रमाणावर देणगी जमा होणार असल्‍याने या महासमाधी शताब्‍दी सोहळ्याकरीता जमा होणारी रक्‍कम व धार्मिक, सांस्‍कृतिक आणि विकास कामाकरीता होणारा खर्च लेखापुस्‍तकामध्‍ये स्‍वतंत्र ठेवण्‍यात येत आहे. यासाठी स्‍टेट बॅंक ऑफ इंडीया शाखा शिर्डी येथे स्‍वतंत्र बॅक खाते उघडण्‍यात आले आहे. या खात्‍याचे नाव "श्री साईबाबा महासमाधी शताब्‍दी सोहळा," असे असून बॅक खाते नंबर ३५४२०६७३०६० असा आहे. शताब्‍दी सोहळयाकरीता देणगी देणा-या साईभक्‍तांनी या बॅंक खात्‍यात देणगी जमा करणेबाबत साईभक्‍तांना आवाहनही करण्‍यात आले आहे.

संस्‍थान प्रकाशने सवलतीच्‍या दरात उपलब्‍ध

श्री साईबाबा संस्‍थानने प्रकाशित केलेली सर्व प्रकाशने २० टक्‍के सवलतीच्‍या दरामध्‍ये साईभक्‍तांना उपलब्‍ध करुन देणेबाबत मा.व्‍यवस्‍थापन समितीने घेतलेल्‍या निर्णयानूसार संस्‍थान प्रकाशने २० टक्‍के सवलतीचे दरामध्‍ये साईभक्‍तांना पुरविण्‍यात येत आहेत.

नियोजित प्रकल्‍पांचे महत्‍वपूर्ण निर्णय खालील प्रमाणे 

टाईम दर्शन

            श्री साईबाबांच्‍या समाधीचे दर्शनासाठी येणा-या भक्‍तांची संख्‍या दिवसेंदिवस वाढत आहे. येणा-या भक्‍तांना दर्शन घेणे सुलभ व्‍हावे, जास्‍त वेळ दर्शनरांगेत उभे रहावे लागू नये, त्‍यांच्‍या वेळेचा सदुपयोग व्‍हावा यादृष्‍टीने तिरुपती देवस्‍थानच्‍या धर्तीवर टाईम दर्शन सुविधा सुरु करणेचा निर्णय व्‍यवस्‍थापन समितीने घेतला असून अल्‍पावधीतच ही सुविधा कार्यरत करण्‍यात येणार आहे.

नियोजित दर्शन रांग 

            श्री साईबाबांच्‍या समाधीच्‍या दर्शनाकरीता येणा-या भक्‍तांची गर्दी दिवसेंदिवस वाढत आहे. साईभक्‍तांच्‍या या वाढत्‍या संख्‍येमुळे सध्‍याची दर्शन रांग व्‍यवस्‍थाही अपुरी पडते. त्‍यासाठी संपूर्ण मंदिर परिसर व जुने प्रसादालय परिसर यांचे एकत्रिकरण, पुनर्विकास करणे गरजेचे आहे. याकामी दर्शन रांग इमारतीच्‍या पहिल्‍या व दुस-या मजल्‍यावर एकुण १२ हॉल्‍स तयार करण्‍यात येणार असून प्रत्‍येक हॉलमध्‍ये २५०० याप्रमाणे ३० हजार साईभक्‍त समावू शकतील. तसेच या दर्शनरांग इमारतीच्‍या तळमजल्‍यावर साईभक्‍तांसाठी ३ मुख्‍य प्रवेश हॉल, टॉयलेट ब्‍लॉक, माहिती केंद्र, लाडू विक्री केंद्र, उदी वाटप केंद्र, देणगी कार्यालय, एटीएम सुविधा, पुस्‍तक विक्री केंद्र, बेबी फीडींग रुम, कियॉस्‍क व प्रथोमचार केंद्र तसेच मोबाईल, चप्‍पल ठेवण्‍यासाठी ४५ हजार लॉकर्स इत्‍यादी सुविधा उपलब्‍ध करण्‍याचा निर्णय घेतला आहे.

हॉस्पिटल करीता नवीन इमारत उभारणी

श्री साईबाबा हॉस्पिटल व श्री साईनाथ रुग्‍णालय येथे रुग्‍णांची वाढती संख्‍या लक्षात घेवून रुग्‍णालयाच्‍या आवश्‍यक सुविधांमध्‍ये व बेडच्‍या संख्‍येमध्‍ये वाढ करण्‍यासाठी सर्वे नं.१४८ मधील श्री साईनाथ रुग्‍णालयाच्‍या पश्चिमेकडील मोकळ्या जागेत सर्वसमावेशक नवीन इमारत उभारण्‍यासाठी आर्किटेक्‍टची नेमणूक करण्‍याचा निर्णय घेण्‍यात आला आहे.

 

शैक्षणिक संकूल व वैद्यकीय महाविद्यालय प्रकल्‍प

            संस्‍थानमार्फत सध्‍या श्री साईबाबा कनिष्‍ठ महाविद्यालय, श्री साईबाबा औद्योगीक प्रशिक्षण केंद्र, श्री साईबाबा कन्‍या विद्या मंदिर, श्री साईबाबा इंग्लिश मिडीयम स्‍कूल इत्‍यादी शैक्षणिक उपक्रम चालविले जातात. भविष्‍यात येथे वरिष्‍ठ महाविद्यालय सुरु करणे, कौशल्‍य विकासाचे विविध कार्यक्रम सुरु करणे, शैक्षणिक महाविद्यालय सुरु करणे इ. प्रकल्‍प प्रस्‍तावित आहेत. तसेच सर्व संस्‍थांमध्‍ये अत्‍याधुनिक शिक्षणप्रणाली राबविणेत येणार असून सर्व शैक्षणिक संकुल एका विस्‍तारीत अशा जागेवर भव्‍य इमारत बांधून तेथे स्‍थलांतरीत करण्‍याचे प्रस्‍तावित आहे.

मोबाईल अॅप्‍लीकेशन व मोफत Wi-Fi सुविधा

            साईभक्‍तांच्‍या मार्गदर्शनाकरीता संस्‍थानचे www.sai.org.in या संकेतस्‍थळाचे अद्ययावतीकरण व मोबाईल अॅप्‍लीकेशन विकासीत करण्‍याचा निर्णय घेण्‍यात आला. या मोबाईल अॅप्‍लीकेशनमध्‍ये संस्‍थानचे विविध उपक्रम, साईभक्‍तांना देण्‍यात येणा-या विविध सोयी-सुविधा व मंदिरात वर्षभरात आयोजित करण्‍यात येणा-या विविध धार्मिक कार्यक्रमांची माहिती देण्‍यात येणार असून संस्‍थानने सर्व निवासस्‍थाने व प्रसादालयाच्‍या ठिकाणी मोफत Wi-Fi सुविधा साईभक्‍तांना देण्‍याचा निर्णय घेण्‍यात आलेलाआहे.

पाणी पुरवठा योजना

          संस्‍थानकरीता गोदावरी उजवा तट कालव्‍याव्‍दारे कनकुरी तलावात पाणी घेवून पाणीपुरवठा करण्‍यात येत आहे. भविष्‍यातील संस्‍थानची पाण्‍याची आवश्‍यकता लक्षात घेता निळवंडे धरणातून शाश्‍वत पाणीपुरवठा होणेचे दृष्‍टीने थेट पाईपलाईनव्‍दारे संस्‍थालना पाणी घेणेसाठी पाणीपुरवठा योजना प्रस्‍तावित आहे. या प्रकल्‍पामध्‍ये ८० कि.मी. पाईपलाईनसह २३ एम.एल.डी. क्षमतेचा जलशुध्‍दीकरण प्रकल्‍प उभारण्‍यात येणार आहे.

साई सृष्‍टी प्रकल्‍प

          साईसृष्‍टी प्रकल्‍पाअंतर्गत श्रींचे जीवनावर आधारीत बाबांचे शिर्डीतील आगमनापासून ते निर्वाणापर्यंतचे देखावे पुतळ्यांचे माध्‍यमातून लाईट व ऑडीओसह सादर करण्‍यात येणार आहे. तसेच यामध्‍ये साईभक्‍तांच्‍या सोयीसाठी ग्रंथालय, मेडीटेशन हॉल, इत्‍यादी सुविधा निर्माण करण्‍यात येणार आहे.  

साई सिटी प्रकल्‍प

            साईभक्‍तांना जास्‍तीत-जास्‍त सुविधा उपलब्‍ध करुन देणेकामी स्‍मार्ट सिटीच्‍या संकल्‍पनेवर आधारीत सर्व सुविधायुक्‍त 'साई सिटी' उभारणे प्रस्‍तावित आहे. यामध्‍ये प्रामुख्‍याने थीम पार्क, मनोरंजन पार्क, हीलींग हब, अध्‍यात्मिक केंद्र, मेडीटेशन सेंटर, आयुर्वेदीक थेरपी सेंटर, लॅन्‍डस्‍केपिंग पार्क व कॉटेजेस, रिसॉर्ट आदी बाबी उभारणे प्रस्‍तावित आहे. याकामी पायाभुत सुविधा विकसीत करणेसाठी या प्रकल्‍पाचा टाटा कन्‍सल्‍टींग इंजिनिअर्स लि. मुंबई यांनी आरखडा तयार केला आहे.

भुयारी मार्ग विकासीत करणे

            शिर्डी शहरातून जाणा-या नगर-मनमाड राज्‍य मार्गावर साईप्रसादालयाकडे जाणारा रस्‍ता, जुना पिंपळवाडी रोड, नवीन पिंपळवाडी रोड, शिर्डी बसस्‍थानकाजवळ व श्री साईबाबा भक्‍तनिवासस्‍थान प्रवेशव्‍दारासमोर अशा पाच ठिकाणी साईभक्‍त व नागरीकांना रस्‍ता ओलांडणेसाठी ९ मिटर रुंद व ३० मिटर लांबीचे प्रशस्‍त भुयारी मार्गाचे काम करणे प्र‍स्‍तावित आहे.

थिम पार्क (साई गार्डन)

            शिर्डी येथे देश-विदेशातून येणा-या साईभक्‍तांना लेजर शोच्‍या माध्‍यमातून श्री साईबाबांच्‍या जीवन चरित्राबाबत माहिती होईल व साई गार्डनच्‍या माध्‍यमातून भक्‍तांचे मनोरंजन होवून बाबांच्‍या कार्याचा व शिकवणुकीचा प्रचार-प्रसार होणेस मदत होईल. याकरीता लेजर शोच्‍या निर्मितीचे काम मे.लेजर व्हिजन लि., हॉगकॉग यांना देणेत आलेले आहे.

 

श्री.पी.राधाकृष्‍ण, केंद्रीय राज्‍यमंत्री, रस्‍ते वाहतुक, महामार्ग आणि जहाज बांधणी, भारत सरकार यांनी श्री साईबाबांच्‍या समाधीचे दर्शन घेतले. यावेळी संस्‍थानचे विश्‍वस्‍त अॅड.मोहन जयकर, संस्‍थानचे माजी अध्‍यक्ष श्री.द.म.सुखथनकर व माजी विश्‍वस्‍त राजीव रोहम आदि उपस्थित होते.

 

महाराष्‍ट्र विधानसभा अध्‍यक्ष श्री.हरिभाऊ बागडे यांनी श्री साईबाबांच्‍या समाधीचे दर्शन घेतले. यावेळी संस्‍थानचे विश्‍वस्‍त सचिन तांबे व उपकार्यकारी अधिकारी डॉ.संदीप आहेर आदि उपस्थित होते

भारतीय जनता पक्षाचे प्रदेशाध्‍यक्ष श्री. रावसाहेब दानवे यांनी श्री साईबाबांच्‍या समाधीचे दर्शन घेतले. यावेळी आमदार शिवाजी कर्डीले, आमदार स्‍नेहलता कोल्‍हे तसेच संस्‍थानचे विश्‍वस्‍त भाऊसाहेब वाकचौरे व सचिन तांबे आदि उपस्थित होते.

 

युवा सेनेचे अध्‍यक्ष आदित्‍य ठाकरे यांनी श्री साईबाबांच्‍या समाधीचे दर्शन घेतले. यावेळी संस्‍थानचे कार्यकारी अधिकारी बाजीराव शिंदे उपस्थित होते.

 

मॉरिशसच्‍या मराठी सांस्‍कृतिक केंद्राचे अध्‍यक्ष अर्जुन पुतलाजी यांचा सत्‍कार करताना संस्‍थानचे कार्यकारी अधिकारी बाजीराव शिंदे व प्रमोद गोंदकर.

 

श्री साईबाबा संस्‍थानच्‍या नु‍तनीकरण करण्‍यात आलेल्‍या देणगी काऊंटरचे शुभारंभ करताना संस्‍थानचे अध्‍यक्ष सुरेश हावरे व त्‍यांच्‍या सुविद्य पत्‍नी सौ.नलिनी हावरे. यावेळी संस्‍थानचे विश्‍वस्‍त सचिन तांबे, कार्यकारी अधिकारी बाजीराव शिंदे, उपकार्यकारी अधिकारी डॉ.संदीप आहेर, प्रशासकीय अधिकारी सर्वश्री सुर्यभान गमे, उत्‍तमराव गोंदकर, दिलिप उगले, अशोक औटी व मुख्‍यलेखाधिकारी बाबासाहेब घोरपडे आदी उपस्थित होते

केंद्रशासनाच्‍या अर्थमंत्रालयाने दिनांक ८ नोव्‍हेंबरच्‍या अधिसुचनेव्‍दारे रुपये ५०० व १००० च्‍या नोटा दिनांक ८ नोव्‍हेंबर रोजी रात्रौ १२ वाजेनंतर व्‍यवहारातुन बंद केलेल्‍या आहेत. यामुळे शिर्डी येथे येणा-या साईभक्‍तांची गैरसोय होवु नये म्‍हणून श्री साईप्रसादालयात आज व उद्या प्रसाद भोजनाची मोफत व्‍यवस्‍था केली असल्‍याची माहिती संस्‍थानचे कार्यकारी अधिकारी बाजीराव शिंदे यांनी दिली. 

     श्री.शिंदे म्‍हणाले, केंद्रशासनाच्‍या अर्थमंत्रालयाने दिनांक ८ नोव्‍हेंबरच्‍या अधिसुचनेव्‍दारे रुपये ५०० व १००० च्‍या नोटा दिनांक ८ नोव्‍हेंबर रोजी रात्रौ १२ वाजेनंतर व्‍यवहारातुन बंद केलेल्‍या आहेत. त्‍यामुळे शिर्डीमध्‍ये श्रींच्‍या समाधीच्‍या दर्शनाकरीता आलेल्‍या साईभक्‍तांची भोजनाची गैर सोय होवु नये याकरीता श्री साईप्रसादालयात दिनांक ०९ व १० नोव्‍हेंबर रोजी संस्‍थानच्‍या वतीने मोफत प्रसाद भोजनाची व्‍यवस्‍था करण्‍यात आलेली आहे. तसेच ज्‍या भाविकांना संस्‍थानच्‍या भक्‍तनिवासस्‍थानात रुम बुकींग करावयाची आहे किंवा रुमसाठी मुदतवाढ घ्‍यावयाची असेल त्‍याकरीता सर्व निवासस्‍थानांच्‍या ठिकाणी स्‍वॉपिंग मशिनची (डेबिट व क्रेडीट कार्ड) व्‍यवस्‍था करण्‍यात आली आहे. तसेच सदरची सुविधा देणगी काऊंटर, रुग्‍णालय, जनसंपर्क कार्यालय व प्रसादालय आदी ठिकाणीही करण्‍यात आलेली आहे. साईभक्‍तांची गैर सोय होवु नये याबाबत संस्‍थानचे अध्‍यक्ष सुरेश हावरे व विश्‍वस्‍तांच्‍या वतीने प्रशासनाला तशा सुचना दिलेल्‍या आहेत.

     यासंदर्भात कार्यकारी अधिकारी बाजीराव शिंदे यांनी घेतलेल्‍या बैठकीस संस्‍थानचे उपकार्यकारी अधिकारी डॉ.संदीप आहेर, प्रशासकीय अधिकारी सर्वश्री सुर्यभान गमे, उत्‍तमराव गोंदकर, दिलीप उगले, अशोक औटी,  मुख्‍यलेखाधिकारी बाबासाहेब घोरपडे व लेखाधिकारी कैलास खराडे आदी उपस्थित होते.

 

 

         Finance ministry of Union government has ordered to stop use of currency notes of Rs. 1000 and Rs. 500 from night 12  O’ clock of 8th November as per its orders issued on 8th November. So in view to avoid the inconvenience to the devotees coming to Shirdi, free Prasad meal facility has been started on today and for tomorrow in Saibaba Sansthan’s Prasadalaya, informed Executive Officer Bajirao Shinde.

      Shinde added that since 12 O’ clock of 8th November, the
currency notes of Rs. 1000 and Rs. 500 will not be used for any
transaction. So, Sai devotees may come across inconvenience due to this decision. So, Sansthan will provide the Prasad meal to the devotees in its
Prasadalaya who are visiting today and tomorrow. Apart from, swaping machine (debit and credit card) has been installed at all its
Bhaktaniwas for the convenience of devotees those who want to book the rooms or extend the room accommodation. In addition to this, this
facility has also been made available at donation counter, hospital,
PRO office, Prasadalaya, etc. Chairman of the Sansthan Suresh Haware and board of trustees have given the instructions to the
administration authorities to avoid the inconvenience of devotees.

    Bajirao Shinde conducted the meeting in this regard. Dy. Executive officer Dr. Sandip Aher, administrative officers Suryabhan Game, Uttamrao Gondkar, Dilip Ugale, Ashok Auti, chief accountant Babasaheb Ghorpade, accountant Kailas Kharade were present for the meeting.

 

   

स्‍पेन येथील ४३ परदेशी साईभक्‍तांनी श्री साईबाबांच्‍या समाधीचे दर्शन घेतले यावेळी संस्‍थानच्‍या वतीने त्‍यांचे स्‍वागत करतांना विश्‍वस्‍त सचिन तांबे.

 

अभिनेता सोनु सुद यांने सहपरिवार श्री साईबाबांच्‍या समाधीचे दर्शन घेतले. यावेळी संस्‍थानचे विश्‍वस्‍त सचिन तांबे उपस्थित होते.

BACK